د اسلامي امارت مسؤلینو د ثور د اتمې او د کمونیزم پر وړاندې د افغانانو د جهاد د بریا د کلیزې په مناسبت په جوړو شویو مراسمو کې ګډون وکړ. دوی د ټولنې پر یووالي او د افغانستان پر ځان بسیاینې ټینګار وکړ او ویې ویل چې د بهرنیانو امر نه مني، دوی وویل چې د پخواني شوروي اتحاد له ماتې وروسته امریکا د افغانستان د خلکو په وېشلو او وژلو پیل وکړ تر څو په هیواد کې ...

د قزاقستان د صدراعظم مرستيال او ورسره مل پلاوي د دغه هېواد د کانونو او پټروليم له سرپرست وزير سره په کتنه کې وويل چې هېواد يې غواړي په بېلابېلو برخو کې د سوداګرۍ او اقتصادي همکاريو د پراختيا لپاره د دواړو هېوادونو ترمنځ اړيکې لا پياوړې کړي.

د افغانستان د صنایعو او سوداګرۍ وزارت په کابل کې د ترکمنستان او اسلامي امارت د پلاوي ترمنځ د دوه اړخیزې ناستې د ترسره کېدو خبر ورکوي او وايي چې په دې کتنه کې د افغانستان د کانونو د صادراتو او سوداګرۍ پر زیاتوالي خبرې وشوې.

د مالیزیا لوړ پوړي پلاوي د کورنیو چارو له سرپرست وزیر سره په کتنه کې وویل، هېواد یې له افغانستان سره د سایبر امنیت او ډیجیټل جرمونو په برخه کې خپلې تجربې شریکوي.

د ترانسپورت او هوايي چلند وزارت د هوا پېژندنې ادارې د هېواد په ۲۸ ولایتونو کې په لوړو غرونو کې د واورې ورښت، د سختو ورښتونو، تندرونو او سېلابونو د احتمال خبرداری ورکړی دی.

په افغانستان کې د خوړو نړیوال پروګرام راپور ورکوي چې په افغانستان کې هره میاشت شپږ میلیونه خلک خوراکي توکي او نغدې پیسې ترلاسه کوي.

د بادغیس ولایت سیمه ییز چارواکي وايي، د دغه ولایت په جوند ولسوالۍ کې سېلابونو یو سړی او یو ماشوم وژلي دي.

د پاکستان په کراچۍ ښار کې د اسلامي امارت کونسلګرۍ د سندهـ د پولیسو له توقیف څخه د ۶۳ افغان اتباعو د خوشي کولو اعلان کړی دی.

د رئیس الوزرا سیاسي مرستیال په کابل کې د ایران د اسلامي جمهوریت له ځانګړي استازي او سفیر سره په کتنه کې وویل چې اسلامي امارت له ایران سره ښې سیاسي، اقتصادي او کلتوري اړیکې غواړي او له تهران یې د افغان کډوالو د هرکلي له امله مننه وکړه.

اروپايي ټولنې د مهاجرت له نړیوال سازمان سره د ۱۷ میلیونه یورو د مرستې اعلان وکړ چې په افغانستان کې له راستنیدونکو کډوالو سره چلند وکړي او د هغوی له کوربه ټولنو سره مرسته وکړي.

د یمن د پوځ ویاند د سره سمندر په اوبو کښې د امریکې د بې پیلوټه الوتکې د نسکورولو او د برطانیې د تیلو د ټانکر په نښه کولو اعلان وکړ.

په پنجشېر او ننګرهار ولايتونو کې سيمه ييز چارواکي وايي، چې په يادو ولايتونو کې د تندر له امله يوه ښځه او يو نارينه مړه شوي دي.

د اسلامي امارت ویاند د د اسلامی امارت د چارواکو د سفرونو زیاتوالي او په افغانستان کې د بهرنیو هیوادونو د ډیپلوماټانو پراخ حضور ته اشاره وکړه او ویې ویل، بهرنې هیوادونه په دې پوه شوي چې له افغانستان سره تعامل یوازینۍ ګټوره لار ده.

د عراق داسلامی مقاومت غورځنګ په نیواک شوی بندر حیفا کښې په یوه هدف د بې پیلوټه الوتکې د حملې خبر ورکړ.

د اسلامي امارت د ملي دفاع وزارت اعلان کړی چې د دغه وزارت سرپرست وزیر محمد یعقوب مجاهد له مالیزیا پلاوي سره په کتنه کې په افغانستان کې د داعش په ګډون د ورانکارو ډلو فزیکي شتون رد کړی دی.

د افغانستان د فوټسال ملي لوبډلې چې نن د جمعې په ورځ په ۱۱:۳۰ بجو د ۲۰۲۴ کال نړیوال جام د غوراوي په لومړۍ لوبه کې د عراق له ملي لوبډلې سره مخامخ شوه او ٣ - ٥ په توپیر لوبه يي وګټله.

په غزه کښې د فلسطین روغتیا وزارت اعلان وکړ چې صهیونیسټ رژیم په تیرو ۲۴ ساعتونو کښې د فلسطین د کورنیو پرضد ۵ نوی جنایتونه ترسره کړی دی او په دغو جنایتونو کښې لږ تر لږه ۴۳ کسان شهیدان او ۶۴ نور ژوبل شوی دی .

د جوزجان ولایت امنیه قومندانۍ چارواکي په دغه ولایت کې د الکولو د تولید د یوې فابریکې د له منځه وړلو خبر ورکوي.

د هرات والي د مالیزیا د بهرنیو چارو وزارت له پلاوي سره په کتنه کې د هرات له زلزله ځپلو سره د دغه هېواد د مرستو قدرداني وکړه او د دواړو هېوادونو ترمنځ یې د همکاریو پر پراختیا ټینګار وکړ.

د افغانستان د مرکزي بانک رييس په کابل کې د ايران د اسلامي جمهوريت له ځانګړي استازي او سفير سره په کتنه کې وويل چې د دواړو هېوادونو ترمنځ مناسبه بانکي همکاري د سوداګرو لپاره اسانتياوې برابروي، ځکه چې د افغانستان مرکزي بانک ژمن دى په هیواد کې د نړۍ د اسانتیا لپاره د معیارونو سره برابر بانکي خدمتونه چمتو کړي.