د صنایعو او سوداګرۍ وزارت وايي، د اسلامي امارت د سرپرست وزیر په مشرۍ د اسلامي امارت د پلاوي او د قزاقستان د پلاوي تر منځ د اقتصادي او سوداګریزو اړیکو د پراختیا او د دغه هېواد د مرستیال په مشرۍ دوه اړخیزه ناسته ترسره شوه.

د کرنې، اوبولګولو او مالدارۍ وزارت د معلوماتو له مخې، په پکتيا ولايت کې د جلغوزيو د بسته بندۍ فابريکه په کال کې د ٦٠زره ټنه جلغوزيو د بسته کولو ظرفيت لري.

د رویټرز خبري اژانس د راپور له مخې د اسراییلو امنیتي ځواکونو ایران ته د جاسوسۍ په تور ۷ تنه مشکوک کسان نیولي دي. ویل کیږي چې یو شمیر یې په هغو ځایونو کې نیول شوي چې د صادق ۲ په برید کې په نښه شوي وو.

د ايټاليا په ناپلس ښار کې د فلسطين په پلوۍ لاريون کې چې ګډونوالو يې د اوربند او غزې او لبنان کې د جګړې د پای ته رسولو غوښتنه کوله، د پوليسو او ګډونوالو ترمنځ نښته شوې.

د هېواد د فوټبال د ١٧ کلنو ملي لوبډلې د اسيا د ١٧ کلنو ځوانانو د جام په مقدماتي سياليو کې په خپله لومړۍ لوبه کې د فيليپين لوبډلې ته د ٨-٠ په توپير ماتې ورکړه.

د بامیان ولایت د شهیدانو او معلولینو ریاست وایي، چې د روان کال په لومړیو شپږو میاشتو کې په دغه ولایت کې له شپیتو میلیونو څخه زیات افغانۍ د شهیدانو، معلولینو او یتیمانو سره نغدي ویشل شوي دي.

د پوهنې وزارت وايي، د بامیان ولایت د پنجاب ولسوالۍ دوو اوسېدونکو خپله ۲.۵ جریبه ځمکه د یوه دیني مدرسې د جوړولو لپاره مرسته کړې ده.

د جلال اباد ښاروالۍ اعلان وکړ، چې د ښار په نهمه ناحیه کې د ۳۷ میلیونه افغانیو په لګښت د دوو سړکونو د جوړولو چارې پیل شوې.

د فلسطین د روغتیا وزارت په غزې تړانګې کښې د صهیونیسټ رژیم په حملو کښې د شهیدانو شمیر ۴۲۶۰۳ ته رسیدلی دی.

د ملګرو ملتونو د خوړو او کرنې سازمان (FAO) اعلان کړی، چې له ۲۰۲۳ کال وروسته به په افغانستان کې څه باندې ۲۷۲۶۰۰ کسانو ته د لنډ مهاله کار زمینه برابره شی.

ملګرو ملتونو په یوه راپور کې ویلي، چې دا مهال په افغانستان کې ۳.۲ میلیونه ماشومان چې عمرونه یې له پنځو کلونو کم دي او ۸۴۰ زره امیندواره او شیدې ورکوونکي ښځې په شدید خوارځواکۍ اخته دي. دغه سازمان خبرداری ورکړی چې په ژمي کې به دغه وضعیت لاپسې خراب شي.

د کډوالو په چارو کې د ملګرو ملتونو عالي کمېشنرۍ (UNHCR) وايي، د تېر کال له سپټمبر راهیسې یې له ۱۱۱۷۰۰ افغان راستنېدونکو سره مرسته کړې ده.

د افغانستان د انرژۍ او اوبو وزارت وايي، په پکتیکا ولایت کې د څه باندې ۱۳ میلیونه افغانیو په لګښت د ملګرو ملتونو په مالي مرسته په دغه ولایت کې د کارېز او اوبو لګولو د څو پروژو کار پیل شوی دی.

د افغانستان د کانونو او پټرولیم وزارت اعلان وکړ چې دغه پلاوي د نکل، اوسپنې، المونیم، مسو، کوبالټ، پولیمتالیک کانونو او د چین د جین چوان او جیسکو شرکتونو له فابریکو څخه لیدنه وکړه.

د لبنان حزب الله غورځنګ نن (دوشنبه، ۳۰ میزان) د نیواکګرو پر ضد د ۹ عملیاتو اعلان وکړ.

د رئیس الوزرا اداري مرستیال د ۲۰۹ الفتح قول اردو د هوايي کنډک له قوماندان سره په کتنه کې وویل چې اوسنی امنیت او سوله ستر نعمت دی. هغه همدا راز ټینګار وکړ، چې دفاعي او امنیتي مسوولین دې د سولې او ثبات په ټینګښت کې هېڅ ډول هڅې ونه سپموي.

د کندهار سیمه ییز چارواکي وايي، د روان کال په لومړیو شپږو میاشتو کې له دغه ولایت څخه څه باندې ۶۱ کیلو ګرامه زعفران صادر شوي دي.

د رئیس الوزرا سیاسي مرستیال د «شیلتر» نړیوال سازمان له مسوولینو سره په لیدنه کې ویلي، چې اسلامي امارت له ټولو هغو بنسټونو ملاتړ کوي، چې له افغانستان سره کار کوي. په همدې حال کې د يادې موسسې مسوولينو ژمنه وکړه چې د پاتې پروژو د بشپړولو لپاره به خپلو مرستو ته دوام ورکړي.

د رئیس الوزرا اقتصادي مرستیال د روان کال په ترڅ کې په ټول هېواد کې د ۱۵ لویو پرمختیايي پروژو د پلي کېدو د پیل خبر ورکړی دی.

د اسلامي امارت وياند مولوي ذبيح الله مجاهد وايي، په غور، کابل او بامیان کې د داعش ډلې هغه غړي چي به دي ولایتونو کی عملیاتونه کول او د بلوچستان څخه يې رهبري کیدل، په غور کې د امنيتي ځواکونو له لوري وژل شوي او نيول شوي دي.