د هېواد د فوټبال ملي لوبډله د "کافا" د اسیا مرکزي په سیالیو کې د ګډون په موخه د قرغزستان پلازمېنې بشکیک ښار ته ورسېده.

د کرکټ ملي لوبډلې د یو ورځنیو لوبو لړۍ په دریمه او وروستۍ لوبه کې د سریلانکا لوبډلې څخه په ۹ منډو ماتې وخوړه.

د ریال ماډریډ کلب په رسمي اعلان سره کریم بینزیما به ۱۴ کاله وروسته د سږني فصل په پای کې له کلب څخه ووځي. له ریال ماډریډ سره د دغه لوبغاړي تړون سږکال پای ته ورسېد.

د تکواندو افغان لوبغاړی محسن رضايي په باکو کې د نړیوالو سیالیو په لومړۍ سیالۍ کې خپل سیال ته په ماتې ورکولو بریالی شو.

د رئیس الوزرا سرپرست مولوي عبدالکبیر د افغانستان د فوټبال د ملي لوبډلې له لوبغاړو سره په کتنه کې وویل چې اسلامي امارت د دوی د بریا لپاره ټول شرایط برابر کړي او ویلي یې دي چې اسلامي امارت د ورزشکارانو ملاتړ کوي.

د افغانستان د فوټسال ملي لوبډلې له لبنان څخه د لومړۍ لوبې له ګټلو وروسته تېره شپه په خپله دویمه دوستانه لوبه کې د لبنان د فوټسال ملي لوبډلې ته ۴-۳ ماتې ورکړه.

د افغانستان د فوټسال ملي لوبډلې د خپلو دریو دوستانه سیالیو په لومړۍ لوبه کې لبنان ته ۳-۲ ماتې ورکړه.

د افغانستان د فوټبال فدراسیون اعلان وکړ چې د دغه هېواد لوبغاړي نن سهار له تهران څخه د ایران په اسلامي جمهوریت کې له تمریناتو وروسته د لبنان پلازمېنې بیروت ته روان شول.

د بدخشان ځايي چارواکي وايي، چې د دغه ولايت په مرکز فيض اباد ښار کې يو سوداګر د لس ميليونه افغانيو په لګښت يو ورزشي جمنازيوم جوړ کړی دی.

د افغانستان د ویلچیر باسکیټبال ملي ټیم د اسیایي هیوادونو د پارالمپیک لوبو په سیالیو کې دویم مقام خپل کړ او د چین د پارالمپیک لوبو ته یې لاره پیدا کړه.

عبدالله المطیري د فوټبال فدراسیون د مسوولینو او خبریالانو په حضور کې د افغانستان د فوټبال ملي لوبډلې د نوي مشر روزونکي په توګه معرفي شو.

د افغانستان د فوټبال د ۲۰ کلنو ملي لوبډله د منځنۍ اسیا په «کافا» سیالیو کې چې د ۶ هېوادونو ترمنځ ترسره کېږي، د ګډون لپاره تاجکستان ته ولاړه.