د غور ولایت د تیورې ولسوالۍ اوسېدونکو د تېرې شپې د سېلاب ویډیو رالېږلې او ویلي یې دي چې د خلکو د غنمو ټولې کروندې، څړځایونه او نور کرنیز محصولات په بشپړه توګه له منځه تللي دي. په ورته وخت کې د غور ولایت په پسابند ولسوالۍ او فیروزکوه ښار کې د سېلابونو د راوتلو له امله لږ تر لږه ۸ تنه مړه شوي او د دغو سیمو خلکو ته ډېر مالي زیانونه اوښتي دي.

د بامیان پخوانی والي طاهر زهیر چې په دې وروستیو کې یې د اسلامي امارت پر وړاندې له مقاومت لاس اخیستی، له نورو هغو کسانو چې د جګړې پر دوام ټینګار کوي، د خبرو له لارې د افغانستان د مسئلې د حل غوښتنه کړې، د زهیر په وینا له ۴۵ کلنې جګړې د تباهي پرته بل هیڅ د افغانستان او د دې هیواد خلکو نه ده لرلي.

د اسلامي امارت د دفاع وزارت اعلان کړی چې د ملي دفاع وزارت د تخنیکي او مسلکي ټیمونو او د هوایي ځواکونو د انجینرانو په هلو ځلو دوه روسي MI-17 هلیکوپترې او د امریکا UH60 بلیک هاک چورلکې په بریالیتوب سره ترمیم او ازمایښت شوي دي.

د افغانستان د اسلامي امارت د بهرنیو چارو وزارت سرپرست امیر خان متقی د پنجشنبې په ورځ (حمل ۲۴) له غرمې وروسته د ایران د اسلامي جمهوریت د بهرنیو چارو له وزیر ډاکټر حسین امیرعبداللهیان سره د ازبکستان په سمرقند کې وکتل او خبرې یې وکړې.

د هرات ښار يو شمېر اوسېدونکو پرون (دلو ٧) د فرهنګ په چوک کې په راټولېدو او د جمعې د ورځې د لمانځه له ادا کولو وروسته د سويډن او هالنډ په هېوادونو کې د قران کريم د توهين پر ضد لاريون وکړ.

د اسلامي امارت د بهرنیو چارو وزارت سرپرست امیر خان متقي نن شنبه د جدی په ۲۵ مه د وزارت د کارکوونکو سره په غونډه کې وویل: هغه کسان چې اوس په افغانستان کې په وینو او جنګ اخته دي څه بهانه لري؟! دلته زنا نشته ، دلته بهرنیان نشته، افغانستان اشغال نه دی، شراب نشته، الحاد نشته، کفر نه دی، نو جګړه د څه لپاره؟

د ملي دفاع وزارت هوايي ځواکونو اعلان وکړ چې څلور ایراني انجینران او پنځه امنیتي ځواکونه چې په هرات ولایت کې په واورو کې بند پاتې وو، پرون وژغورل شول.

د سردار محمد داوود خان روغتون يو شمېر ښځينه ډاکټرانې وايي، چې د ځينو رسنيو له خوا د دوى پر فعاليتونو د بنديز لګولو اوازې بې بنسټه دي او د پخوا په څېر خپلو کارونو ته دوام ورکوي.

د استخباراتو عمومي ریاست د داعش د یوې پنځه کسیزې ډلې د نیولو اعلان وکړ چې د اسلامي امارت د یوه وتلي عالم شیخ رحیم الله حقاني په وژنه کې یې لاس درلود.

په دایکنډي ولایت کې پر یوه کور د امنیتي ځواکونو په برید کې د ۴ ماشومانو په ګډون د ۹ تنو د وژل کېدو په اړه د ځینو راپورونو له مخې، د کورنیو چارو وزارت وژل شوي کسان وسله وال کسان بولي او د ماشومانو وژل کېدل یې رد کړي دي. د دغه وزارت د ویاند په خبره، وسله والو دوه ځلې د قومي مشرانو په منځګړیتوب خبرو ته پام ونه کړ.

د ایران په اسلامی جمهوریت کښې په ځینو ګډوډیو کښې د افغان کډوالو په شمول د بهرنیانو د شتون په هکله له ځینو راپورونو وروسته د کډوالو او راستنیدونکو چارو وزارت په ګاونډیو هیوادونو کښې له میشتو مهاجرینو وغوښتل چې په ګاونډیو هیوادونو په مظاهرو کښې ګډون ونه کړی.

د اسلامي امارت د کورنیو چارو وزارت وايي، یو کس چې ځان یې د پاسپورټ رئیس معرفي کاوه او تر دې عنوان لاندې یې له خلکو پیسې اخیستې، نیول شوی دی.

نن سهار شاوخوا اوه بجې د کابل ښار د پنځمې امنیتي حوزې اړوند د میرویس څلورلارې اړوند احمدي مارکیټ کې سخته اورلګیدنه رامنځته شوه.

د شنبې په ورځ (سنبلي ۲۶) چې د صفر د میاشتې له شلمې نیټې سره سمون خوري د اربعین حسیني په مناسبت د هیواد له شمالي ولایتونو څخه په زرګونو زائرین او ماتم کوونکي د امام زاده یحیی علیه السلام زیارت ته ورغلل او دغه ورځ یې ولمانځله.

حنانه جومات د نجف په ښار کې هغه جومات دی چې د تاریخي روایتونو له مخې د امامانو په ماتم کې یې ځمکه دوه ځله په ژړا شوه. یو ځل د امام علی (ع) د جنازې پر مهال او یو ځل د کربلا له پېښې وروسته، همدا لامل دی چې د جومات نوم حنانه یادوي.

آوا: نن چهارشنبه (د اسد ۹مه) له افغانستان څخه د بهرنیو ځواکونو د وتلو د کلیزې د نمانځلو په موخه د اسلامي امارت د لوړ پوړو چارواکو او د بهرنیو هېوادونو د سفیرانو په شتون سره د بګرام په هوايي ډګر کې ځانګړی پروګرام جوړیږي. له هېواد څخه د بهرنیو ځواکونو د وتلو د لومړۍ کلیزې د نمانځلو په مناسبت د اسلامي امارت مشر وویل، چې د اسلامي امارت په راتګ سره وژنې ...

خبری سرچینې د راپور له مخې، د اندونیزیا په باتم ښار کې یو شمېر افغان کډوال، چې د خپلې استوګنې د بهیر د چټکتیا په موخه یې د دغه ښار د ښاروالۍ د ودانۍ مخې ته مظاهره کړې وه، د یوې غیر مسوولې ډلې له خوا ووهل شوي.

په هېواد کې د امريکا ضد لاريونونو له څپې وروسته، د پيسو د تبادلې اتحاديې او سلګونو هېوادوالو پرون چهارشنبه (اسد ۱۹) پر کابل د امريکا د بې پيلوټه الوتکې د بريد په غبرګون کې د دغه هېواد پر ضد لاريون وکړ او د امريکا بيرغ يې وسوځاوه.