دخپریدو نیټه :دوشنبه ۱۸ سرطان ۱۴۰۳ ساعت ۰۹:۴۰
د مطلب کود : 293181
د افغانستان د عامې روغتیا وزارت له افغانستان سره د خوړو د نړیوال پروګرام د دوامدارې همکارۍ غوښتنه وکړه
د افغانستان د عامې روغتیا وزارت وايي چې د دغه وزارت سرپرست له افغانستان سره د خوراکي توکو د نړیوال پروګرام د خدمتونو د دوام او پراختیا غوښتنه کړې ده.
افغان غږ خبری آژانس - کابل: د عامې روغتیا وزارت مطبوعاتي دفتر د یوې خبرپاڼې په خپرولو سره ویلي چې د افغانستان لپاره د خوړو نړیوال پروګرام (WFP) مشر شاو لي د عامې روغتیا له سرپرست مولوي نورجلال جلالي سره وکتل. 

د عامې روغتیا وزارت وایي، په دې غونډه کې د خوارځواکۍ ماشومانو او میندو لپاره د روغتیايي خدمتونو د وړاندې کولو پر پراختیا او د تغذیې په برخه کې د نورو ملاتړي پلانونو د پلي کولو پر څرنګوالي خبرې وشوې.

په دې کتنه کې مولوي نورجلال جلالي د دغې موسسې د هلوځلو قدرداني وکړه او په افغانستان کې يې د نړيوال خوراکي پروګرام د خدمتونو د دوام او پراختيا غوښتنه وکړه.
https://avapress.com/vdcjote8vuqehvz.b,fu.html
تبصره پوسټ کړئ
ستاسو نوم
ستاسو دبرېښنا ليک پته