د افغانستان په چارو کې د پاکستان ځانګړى استازى به کابل او تهران ته د خپل سفر په ترڅ کې د متقابل عمل د نوو حل لارو او له ګډو ننګونو سره د مقابلې پر څرنګوالي له نږدې خبرې وکړي.

په مسکو کې د افغانستان د وضعیت د ارزونې په موخه د ګاونډیو او سیمې د هېوادونو د استازو غونډه پیل شوه. د دغې غونډې د پرانیستې په مراسمو کښې د یوشمیر هیوادونو استازیو په افغانستان کښې د امریکې په ملاتړ د ترهګرو ډلو د شتون په اړه اندیښنه څرګنده کړه. دوی د ټول شموله حکومت پر جوړولو د ټینګار ترڅنګ له اسلامي امارت سره د اړیکو پر ساتلو ټینګار وکړ.