د کانونو او پټرولیم وزارت وايي، د کابل ولایت د جګدلک یاقوت کان د پرانستلو بهیر، چې مخکې یې داوطلبۍ ته سپارل شوی و، د دغه وزارت د سرپرست شیخ شهاب الدین دلاور په مشرۍ او د وړ داوطلبانو په حضور کې د یوې شفافې پروسې لاندې ترسره شو. د یو بل خبر له مخې، د کانونو وزارت د څلورو لویو کانونو د استخراج پروژه بیا داوطلبۍ ته وړاندې کړه.

د کلیو د بیارغونې او پراختیا وزارت چارواکي وايي، له مالي محدودیتونو سره سره؛ دغه وزارت په تېر کال کې په هېواد کې د اوبو رسولو له سلو ډېرې لويې پروژې پلې کړې دي.