یمن: زموږ راتلونکی هدف د سعودي ایتلاف د تیلو مرکزونه دي

افغان غږ خبری آژانس: د یمن د پوځ د ساحلی دفاعی فرقې قوماندان محمد القادری د یمن د نفتو په زیرمو کښې د لاسوهنې او زیانمنولو په وړاندې د سعودی عربستان تیریګر ائتلاف ته خبرداری ورکړ.
 
الخبر الایماني خبري سایټ د القادري په حواله راپور ورکړی چې د حضرموت ولایت په «الدبا» بندر باندې پرونۍ حمله یو خبرداری و چې هیڅ بیړۍ به ونه غواړي د یمن تیل او زیرمې لوټ کړي او دغه حمله بریالۍ شوه.
 
هغه د دې په بیانولو سره چې یمن د سمندری او ساحلی دفاع د جوړولو په اهمیت خبر دی، څرګنده کړه چې د یمن حالات پکار دی چې د بهرنیانو د لالچونو په نظر کښې د خپلو سیمه ایزو اوبو د ساتنې لپاره یو مهم قدرت شی.
 
د یمن دغه قوماندان دې ته په اشارې سره چې د جنګ په کلونو کښې د دغه هیواد د سمندری ځواک زیاتیدو د سعودی او امریکې د ائتلاف حسابونه ګډوډ کړل او ویې ویل: دغه ځواک کولای شی د دغه ائتلاف جنګی بېړۍ په نښه کړی.
 
القادري په دې باندې په تاکید سره چې د یمن وسلو د پوځي معادلې په بدلولو کښې مهم رول لوبولی دی، څرګنده کړه: د سعودی ائتلاف په دې پوهیږی چې یمن داسې وسلې او پوځی قدرت لری چې په سور سمندرګی او باب المندب کښې د مقابلې معادل رامنځته کولای شی.
 
دغه یمني قوماندان په الذهبه بندر د یمن حملې د داسې پیغامونو د رسولو په معنا وبللې چې د یمن د تیلو او زیرمو د لوټ کولو لپاره د ائتلاف لپاره نه دي او صنعا به د ائتلاف د تیلو زیرمې او حساس اقتصادي مرکزونه په نښه کړي.
 
دا په داسې حال کې ده چې د تیرې جمعې په ورځ ماسپښین د حضرموت ولایت د مرکز مکلا ښار په ختیځ کې د «الدبا» په بندر کې چې د سعودي عربستان د تیریګر ائتلاف تر ولکې لاندې دی، دوه چاودنې وشوې.
 
 دا چاودنې په داسې حال کې وشوې چې د تېلو بار وړونکې بېړۍ را ورسېده. دا چاودنې د بې پیلوټه الوتکو د بریدونو له امله شوې دي. د تیلو یو لوی ټانکر دغه بندر ته د دوه ملیون بیرل خام تیلو د لیږدولو لپاره ننوتی وو، کله چې دا چاودنې سمدستي رامنځ ته شوې. دغه ټانکر غوښتل چې د حضرموت په لوېدیځ کې د المسیلح له کروندو څخه راټول شوي تېل نامعلوم ځای ته انتقال کړي.
 
یحیی روژه څو ساعته وروسته د یمن د وسله والو ځواکونو ویاند اعلان وکړ چې دا چاودنې د یمني ځواکونو د بریدونو له امله شوې دي. هغه ټینګار وکړ چې د یمن وسله والو ځواکونو د الظهبه بندر له لارې یغما ته د یمني خام تیلو د لېږدولو د یوه ټانکر د مخنیوي لپاره یو ساده خبرداري برید ترسره کړ.
 
حضرموت ولایت په یمن کې د تېلو تر ټولو لوی تولیدوونکی ولایت دی او سعودی، اماراتی او امریکایی اجیرانو په وار وار د دغه هېواد د تېلو د لوټلو لپاره خپل ژوند قربان کړی دی.
 
 د یمن د ملي نجات د حکومت د تیلو وزارت څه موده مخکې اعلان وکړ چې سعودي ائتلاف د یمن د تیلو څه دپاسه لس ملیارده ډالره برمته کړي دي.