ایران د افغانستان په پوله کې د ترهګرۍ ډلې سره د خپلو سرحدي ځواکونو د نښتې خبر وکړ

د ايران د اسلامي جمهوريت د سرحدي پوليسو قوماندان وويل د دغه هېواد سرحدي ځواکونو د نهبندان په پوله کښې د يوې ترهه ګرې ډلې غړي چې د تخريبي فعاليتونو لپاره ايران ته د ننوتو هوډ درلود، نښته ورسره کړی او له هغوي څخه يې په زياته اندازه چاوديدونکي توکي ترلاسه کړل.

افغان غږ خبری آژانس - تهران: د ایران د پوله ساتو د پولیسو قوماندان سردار احمد علی ګودرزی نن شنبه د حوت په ۱۹ مه وویل: د یوې ترهګرې ډلې غړی چې غوښتل یې هیواد ته د تخریبی اعمالو په موخه داخل شی، د نهبندان سرحدي قطعې سرحدي ساتونکي نښته ورسره کړی او د پام وړ چاودیدونکي توکي کشف کړی.

د تسنیم د راپور له مخې، دغه ایرانی چارواکی زیاته کړه: د نهبندان پوله ساتو ځواکونو د جنوبی خراسان ولایت په پولو کښې د خپلو استخباراتی کړیو څخه خبر ترلاسه کړي وو چې، یوه ترهګره ډله غواړي و دغه هیواد ته داخل شی او تخریبي فعالیتونه ترسره کړي.

د ایران د پوله ساتو د پولیسو قوماندان وویل: زړور سرحدی ساتونکو په هوښیارۍ سره د پیژندل شویو سیمو کنټرول په لاس کښې واخیست او د وسله والې نښتې په ترڅ کښې یې دغې ترهګرې ډلې ته سخته ګوزار ورکړ او دغه هیواد ته یې د داخلیدو مخه ونیوله.

د ایران دغه جګپوړي سرحدي چارواکي په دې خبرې سره چې په دغو عملیاتو کښې د دغې ډلې یوشمیر غړي ژوبل شوي او افغانستان ته تښتیدلي دي زیاته کړه: له دغې ډلې څخه د پام وړ اندازه چاودیدونکي تجهیزات چې پکښې جنګي ماینونه، د ټي ایم فلزي ماینونه او ډول ډول ریموټ ټرانسمیټرونه او نور تجهیزات شامل دي ترلاسه شوي.