د نورستان ولایت په ځنګلونو کې اورلګېدنه په داسې حال کې دولسمې ورځې ته داخله شوه، چې د عامو سرچینو په وینا د اسلامي امارت د مسؤلینو له څرګندونو سره سره تراوسه د اور د اړولو لپاره کوم پلاوی نه دی راغلی. ويل کيږي چې تر اوسه پورې د دغه ولايت له ځنګلونو څخه څه دپاسه ٢٠٠ جريبه ځمکه سوځول شوې ده.

نورستان کې د اسلامي امارت چارواکي وایي، د دې ولایت نورګرام ولسوالۍ په ځنګله کې د اور مخه نیول شوي.

د اسلامي امارت د کډوالو چارو سرپرست وزیر په کابل کې د پاکستان له سفیر سره د کتنې پر مهال وړاندیز وکړ چې د افغان کډوالو د وضعیت د ارزونې په موخه دې ژر تر ژره د افغانستان، پاکستان او ایران ترمنځ درې اړخیزه غونډه جوړه شئ.

د بدخشان پوهنتون محصلینو د کتاب اونۍ په مناسبت د کتاب په یوه نندارتون کې ولمانځله او د محصلینو ترمنځ یې د لوستلو د فرهنګ د ودې غوښتنه وکړه.

جرمني کې یوې محکمې د سه شنبې په ورځ مې ۳۱ (غبرګولي ۱۰) د تاجکستان پنځه تنه اتباع د اسلامي دولت له یوې کړۍ سره د روابطو له امله چې په جرمني او بهر کې یې د ترهګریزو بریدونو پلانولو کې لاس درلود، په زندان محکوم کړل.

د اسلامي امارت د بهرنیو چارو سرپرست وزیر امیرخان متقي او په کابل کې د ترکیې سفیر جهاد ارګین ترمنځ په کتنه کې؛ دواړو لورو د دوه اړخیزو اړیکو پر پیاوړتیا ټینګار وکړ.

د اسلامي امارت سرچینو خبر ورکړی چې ۷ تنه علمي کادرونه د وطن د خدمت په موخه له بهر څخه راستانه شوي او د کمیسیون له رئیس مولوي شهاب الدین دلاور سره یې لیدلي او خبرې اترې کړي دي.

د روسیې د اسیا د کانونو د ډلې چارواکو د افغانستان په کانونو کې پانګونې ته لېوالتیا څرګنده کړي چې د هېواد په سیاسي چارو کې د رئیس الوزرا له مرستیال مولوي عبدالکبیر سره یې وکتلي.

په کابل کې د سردار محمد داود خان د ارتوپیدي او وینټریکول جراحۍ څانګه پرانستل شوه.

عراقي سرچینې وايي، په عراق کې د عین الاسد په سیمه کې د امریکا پر پوځي اډې څو راکټونه توغول شوي چې د څو چاودنو غږونه یې اوریدلي دي.

د کندز امنیتي چارواکي وايي، په کندز ښار کې د پخواني حکومت د ولسي پاڅون ځواکونو یو پخوانی قوماندان په "شخصي دښمنیو" کې وژل شوی دی.

اسرائیلي ځواکونو او فلسطینی ځوانانو تر منځ له نښتو وروسته د بیت المقدس په زاړه برخه کې د العساویه په سیمه کې د رژیم یوه پوځي اډه سوځول شوې ده.

د اروپا د کمیسیون مشرې اروسلا وون فیډرلاین وویل: «په ورسیلز کې موږ موافقه وکړه چې ژر تر ژره د روسیې پر ګازو، تیلو او د ډبرو سکرو باندې خپل انحصار پای ته ورسوو.

د تمباکو د مخنیوي له نړیوالې ورځې سره سم، د بلخ امنیتي چارواکي وايي، په دغه ولایت کې د کوکنارو د کروندو د سرپناه او درملنې لپاره هڅې روانې دي. په همدې حال کې په مزارشريف کې په نشه يي توکو د روږدو کسانو شمېر کم شوى دى، خو د دوی د درملنې لپاره بودیجه نشته.