د کابل د امنیه قومندانۍ ویاند وايي، پولیسو د مالوماتو پر اساس د کابل ښار په لسمه ناحیه کې پر یوه کور عملیات کړي، چې په پایله کې یې یوه ښځه چې د خپلو ورونو له خوا زنداني شوې وه، خوشې شوې ده.

د کابل امنیه قومندانۍ چارواکي وايي، چې د دې قوماندانۍ د نشه يي توکو پر وړاندې د مبارزې ریاست ۱۵ زره ګولۍ (K) چې له جرمني څخه افغانستان ته د پوستې له لارې قاچاق کېدل کشف او ترلاسه کړي دي.

د کابل د امنیه قومندانۍ ویاند وایي؛ امنیتي ځواکونو هغه کس نیولی، چې له څو اونیو راهیسې یې په پټه په عامه ځایونو کې د ښځو عکسونه اخیست او پر رسنیو یې خپرول.

د کابل امنیتي چارواکو د کابل ښار په دوهمه ناحیه کې د نننۍ چاودنې خبر تایید کړی او ویلي یې دي چې په دې پېښه کې چا ته زیان نه دی اوښتی.