د بلخ ولايت د نشه يي توکو پر وړاندې د مبارزې ادارې چارواکي وايي، چې له لسو ورځو راهيسې له مزارشريف ښار او بلخ ولسواليو څخه د نشه يي توکو د روږدو کسانو د راټولولو لړۍ پيل شوې ده.

د اسلامي امارت د کورنیو چارو وزارت د کابل ښار له بېلابېلو سیمو څخه په نشه يي توکو د روږدو ۲۰۰ تنو د درملنې په موخه روغتیايي مرکزونو ته د لیږدولو خبر ورکړی دی.

په کندهار ولایت کې د اسلامي امارت د عامي روغتیا ریاست مسؤلین وايي چې د ملي اردو یوه پخوانۍ قرارګاه یې د معتادینو د درملنې په مرکز بدله کړې ده. په دغه کلينيک کې چې په کمو اسانتياوو سره فعاليت کوي، په لسګونو روږدي کسان بستر دي.

د هرات د نشه يي توکو پر وړاندې د مبارزې کمېسيون مشر مولوي حيات الله روحاني وايي، په نشه يي توکو ۵۰۰ روږدو کسانو ته به تر درملنې وروسته د مالګې په کان کې کار ورکړل شي.د هرات د نشه يي توکو پر وړاندې د مبارزې کمېسيون مشر مولوي حيات الله روحاني وايي، په نشه يي توکو ۵۰۰ روږدو کسانو ته به تر درملنې وروسته د مالګې په کان کې کار ورکړل شي.

د غزني سیمه ییز چارواکي په دغه ولایت کې د ۱۱۸ زره روږدو کسانو د شتون خبر ورکوي او وايي چې په تېرو څو میاشتو کې په دغه ولایت کې د ۱۵۰۰ روږدو کسانو درملنه شوې ده.

د ننګرهار د عامې روغتیا ریاست وايي، سږ کال په دغه ولایت کې د ۱۹۷ ښځو او ۷۷۲ ماشومانو په ګډون د ۲۱۰۰ روږدو کسانو درملنه شوې ده.

د کورنيو چارو وزارت د نشه يي توکو پر وړاندې د مبارزې معين هرات ولايت ته د خپل سفر په ترڅ کې وويل: اوسمهال په هېواد کې درې نيم ميليونه په نشه يي توکو روږدي دي او د روږدو کسانو د درملنې لړۍ روانه ده.

په هرات کې د نشه يي توکو پر وړاندې د مبارزې چارواکي وايي چې د هرات په عمومي محبس کې شاوخوا ۱۵۰ روږدو کسان تر درملنې وروسته بېرته خپلو کورونو ته ستانه شوي.