د کډوالو په چارو کې د ملګرو ملتونو د عالي کمیشنرۍ مرستیاله له اسلامي امارت سره د خبرو لپاره کابل ته راغلی

افغان غږ خبری آژانس - کابل: د کډوالو په چارو کې د ملګرو ملتونو د عالي کمیشنرۍ مرستیاله ګیلان ټریګس د یوه لوړ پوړي پلاوي په مشرۍ پرون (یکشنبه، ثور ۱۰) ناوخته کابل ته راغی چې له اسلامي دولت سره د افغان کډوالو د وضعیت په اړه خبرې وکړې.
 
هغې د کابل په هوايي ډګر کې خبریالانو ته وویل چې په افغانستان کې له اړو کورنیو سره په اساسي ډول بشري مرستې وکړي.
 
هغې زیاته کړه: "دا لاهم روښانه ده چې موږ به د ملګرو ملتونو او د کډوالي نړیوال سازمان په ډلو کې د نارینه او ښځو شتون تضمین کولو لپاره حکومت دي ته ژمن کړو ترڅو ډاډ ترلاسه شي چې دوی مصونیت ته لاسرسی لري."
 
اغلې ټریګز دا هم ویلي چې په راتلونکو ورځو کې به په دې اړه له اسلامي امارت سره خبرې وکړي.
 
له بلې خوا د اسلامي امارت د کډوالو او راستنیدونکو چارو سرپرست وزیر محمد ارسلان خروټي ویلي، نړۍ باید د بشري مرستي او سیاست جلا کړي.
 
هغه زیاته کړه: "د بشردوستانه مرستو روان بهیر، هدف او منزل باید له سیاست څخه لرې وساتل شي او له افغانستان سره بشري مرستې باید پرته له قید او شرطه دوام وکړي."
 
خروټي د نړۍ د بشري مرستو د زیاتوالي غوښتنه کوي.
 
باید وویل شي، چې کابل ته د نوموړي سفر په قطر کې د ملګرو ملتونو عمومي منشي د افغانستان په چارو کې د نړۍ د هېوادونو له ځانګړي استازي سره تر کتنې وروسته کېږي.