د سرپل والي د "انګوت" د نفتو له تاسیساتو څخه لیدنه وکړه

افغان غږ خبری آژانس - مزارشریف: د سرپل ولایت والي محمد یعقوب عبدالرحمن اکا د دغه ولایت په مرکز کې د انګوت د نفتو له فابریکې څخه د لیدنې پر مهال وویل: د دغه ولایت د مرکز اړوند د انګوت د نفتو له فابریکې څخه د تیلو، وسایلو او نورو تجهیزاتو د انګوت تېلو تاسیسات د هېواد ملي سرمایه ګڼل کېږي، ټول کارکوونکي او امنیتي منسوبین مکلف دي چې د دې تاسیساتو ساتنه او پالنه وکړي.

هغه زياته کړه، چې له وسايلو او د انګوټ تېلو له تاسيساتو څخه بايد شخصي ګټه پورته نه شي، ځکه دغه تاسيسات د ملت سرمايه او خزانه ده او هر څوک يې بايد ساتنې ته جدي پاملرنه وکړي.

عبدالرحمن اکا وویل چې د اسلامي امارت حکومت د هیواد او خلکو د اقتصادي ودې، د ملي ګټو د تامین او د باعزته خدمتونو د وړاندې کولو په خاطر له ماینونو څخه په استفادې کلک هوډ او ژمن دی.

له بلې خوا د آمو سیند د نفتو په ساحه کې د افغان چین د نفتو د استخراج د شرکت مسوولین د سرپل ولایت د والي د شتون هرکلی کوي او وايي چې د امنیت او مسلکي کسانو د کار زمینه برابره شوې ده. همدارنګه د سرپل ولایت د سیمه ییزو چارواکو څخه هم د امکان تر حده همکاري غواړو.

د يادونې وړ ده، چې انګوت د سرپل ولايت د نفتي حوزې له ډلې څخه يوه ده، چې د قشقري نفتي حوزې ته څېرمه پرته ده، چې تېر کال يې يوه چينايي شرکت له حکومت سره تر تړون وروسته د استخراج چارې پيل کړې وې.