د دوحې دریمه ناسته به د روان کال د سرطان په ۱۰ او ۱۱ ترسره شي

افغان غږ خبری آژانس – کابل: د ملګرو ملتونو د سرمنشي ویاند سټیفن دوجاریک اعلان کړی چې د افغانستان په چارو کې د هیوادونو د ځانګړي استازي دریمه غونډه به د ملګرو ملتونو د عمومي منشي په کوربه توب په دوحه کې د روان هجري لمریز کال د سرطان میاشتې په ۱۰مه او ۱۱مه نېټه ترسره شي.

 

هغه په یوه خبري غونډه کې وویل چې د دې غونډې موخه دا ده چې "له افغانستان سره د بین الافغاني خبرو اترو په جوړښت کې زیاتوالی راشي".

 

تر دې مخکې د ملګرو ملتونو د عمومي منشي سیاسي مرستیال روزمیري ډی کارلو د بهرنیو چارو له وزیر امیرخان موتګي سره وکتل او هغه ته یې په دوحه کې په راتلونکې غونډه کې د ګډون بلنه ورکړه.

 

د بهرنیو چارو وزارت سرپرست وویل، د افغانستان رښتینی استازی باید په ملګرو ملتونو کې د نظام استازیتوب وکړي او په دې برخه کې پراته خنډونه باید لیرې شي.

 

هغه همداراز وویل چې د افغانستان سرپرست حکومت د دوحې په وروستۍ ناسته کې د افغانستان د حکومت د رسمي حضور په اړه ګټور نه بولي، خو د دوحې په درېیمه ناسته کې له نشه‎ يي توکو سره د مبارزې، د اقلیم د بدلون او د بانکدارۍ د مسلو مطرح کول د دوه اړخیزو همکاریو لپاره ګټور بولي.