د اسلامي امارت د بهرنیو چارو او صنایعو او سوداګرۍ وزارتونو سرپرستانو اسلام اباد ته د خپل سفر په ترڅ کې د پاکستان له یو شمېر سیاسي او مذهبي مشرانو سره د افغانستان او پاکستان د نږدېوالي، ټرانزیټي او اقتصادي ګټو په اړه وکتل.

د بهرنیو چارو وزارت ویاند د اقلیم د بدلون په اړه نړیوالې غونډې ته چې د مصر په شرم الشیخ کې جوړېږي، په یوه ټوېټ کې ویلي چې افغانستان سږ کال د اقلیم د بدلون له امله دوه میلیارده ډالره زیان کړی دی.

د افغانستان د بهرنیو چارو وزارت وايي چې د مسکو د ناستې د څرنګوالي او د ترسره کېدو د نېټې په اړه د کابل او مسکو خبرې روانې دي.