د "افغان وجهي صندوق" غړي شاه محمد محرابي د دې خبرې په څرګندولو سره چې په تېرو اتو مياشتو کې د افغانستان له کنګل شويو پيسو څخه څه دپاسه سل ميليونه ډالره عوايد ترلاسه شوي دي، هغه وايي چې دا مرستې د افغانیو د ارزښت د ثبات په ټينګښت کې ګټور تمامېداى شي.

د افغانستان لپاره د امریکا ځانګړي استازي توماس ویسټ په یوه مجازي ناسته کې ویلي، چې په پام کې ده راتلونکې میاشت د دغه صندوق د غړو ترمنځ لومړۍ غونډه جوړه شي او د افغانستان د کنګل شویو مرستو په اړه به مهمې پرېکړې وشي.