په شمال کې د ملي پراختيا شرکت وايي، چې د بلخاب ولسوالۍ د ډبرو سکرو د پروژې مسئوليت د کانونو او پټروليم وزارت له خوا دغه شرکت ته سپارل شوى او په نږدې راتلونکي کې به د دې پروژې د عملي کېدو چارې پيل شي.

د مالیې وزارت چارواکي وايي، د سرپل ولایت د بلخاب ولسوالۍ د ډبرو سکرو کان د ملي پراختیا ریاست ته سپارل شوی او د قوش تپې ملي پروژې د دویم او درېیم فاز چارې به د ډبرو سکرو استخراج او پلور له مالیې څخه تمویل شي.