د فواید عامې وزارت چارواکي وايي، چې دا مهال د تونل دننه د کانکریټو او ۱۶ ګیلریونو کار بشپړ شوی، خو له تخنیکي پلوه باید د کانکریټ کار له پای ته رسېدو ۲۸ ورځې تېر شي، څو د موټرو لپاره چمتو شي. د چارواكو په وينا، دغه لويه لار به ډېر ژر د ترافيكو پر مخ پرانيستل شي.

د بغلان سیمه ییزو چارواکو د سالنګ لویه لار د ترافیکو پر مخ پرانیستې اعلان کړی او وايي، لاره خلاصه ده، خو د موټرونو لپاره د زنځیرونو سره تګ راتګ اړین دی.

وروسته له هغه چې د سالنګ لاره د درېيو ورځو لپاره تړل شوې وه، د بغلان او پروان سيمه ييز چارواکي وايي چې دغه لاره پرانيستل شوې او اوس پر دې لاره يوازې کوچني موټر تګ راتګ کولى شي.