د مزارشريف ښاروال مولوي محمد کاظم طارق وايي، په راتلونکي کال کې به په بلخ ولايت کې څه باندې ۱۵۰ زره نيالګي کېنول شي. هغه همدارنګه زیاتوي چې د مزارشریف په ۱۲ ولسوالیو کې ۴۰ زره نیالګي کېنول شوي دي.

د کابل ښاروالۍ چارواکي وايي، په ټول هېواد کې ۳۵ میلیونه مېوه لرونکي او غیر مېوه لرونکي نیالګي کېنول کېږي، چې له دې جملې څخه به یې ۶۰۰ زره یوازې په کابل ښار کې کېنول شي.

کابل ښاروالۍ د ۱۴۰۱ لمریز کال د کابل ښار د زرغونتیا لپاره د نیالګیو اېښودلو بهیر پیل اعلان کړ او ویې ویل چې په نوي کال کې به په کابل ښار کې ۶۰۰ زره نیالګي کېنول شي.

د نيمروز ولايت د مرکز زرنج ښاروالۍ مسئولين وايي، چې د پسرلي په رارسېدو سره په دغه ولايت کې د نيالګيو ايښودلو کمپاين پيل شوى او ټاکل شوې په دغه ښار کې زر نيالګي کېنول شي.