په دغه ښار کې د اوبو د کمښت په اړه د کابل د یو شمېر ښاریانو له شکایتونو وروسته، د انرژۍ او اوبو وزارت چارواکي وايي، د کابل ښار په بېلابېلو سیمو کې د ځمکې لاندې اوبو د مدیریت په موخه به د جذب څاګانې کیندل شي.

د اسلامي امارت د کلیو پراختیا او بیارغونې وزارت اعلان کړی چې په بغلان ولایت کې د ۵۳ میلیونه افغانیو په ارزښت د اوبو رسولو ۸ شبکې ګټې اخیستنې ته سپارل شوي دي.

د سمنګان ولایت د کلیو د بیارغونې او پراختیا رئیس وايي، د اوبو رسولو درې پروژې د سمنګان ولایت په مرکز ایبک ښار، خرم او سارباغ ولسوالیو او حضرت سلطان ولسوالۍ کې د خلکو د جدي اړتیاوو پر بنسټ ګټې اخیستنې ته وسپارل شوې. په دغه ولايت کې د څاګانو په کيندلو، د اوبو د زېرمه کولو او د نل ليکې د سيسټم په جوړولو سره د دغو سيمو د اوسېدونکو د اوبو ستونزه هواره شوې ...

په فراه ولایت کې د اسلامي امارت سیمه ییزو چارواکو د دغه ولایت په پشت رود ولسوالۍ کې د اوبو رسولو د شپږو پروژو د کار د بشپړیدو خبر ورکړی دی.

د کډوالو نړیوال سازمان اعلان کړی چې ۷۹ سلنه افغانان د څښاک، پخولو، حمام او مینځلو لپاره کافي اوبو ته لاس رسی نه لري. دغه سازمان زیاته کړې، چې په افغانستان کې د ۲،۳ میلیونه وګړو لپاره د څښاک پاکو اوبو ته د لاسرسي لپاره ۳۳ میلیونه ډالرو ته اړتیا ده.

د ميدان وردګ ولایت د کليو پراختيا رياست چارواکي وايي، په دغه ولايت کې د يونيسف ادارې په مالي مرسته د ۴۳ ميليونه افغانيو په ارزښت د څښاک د اوبو رسولو د ۱۸ پروژو چارې پيل شوې.

د سرپل د بیارغونې او پراختیا ریاست چارواکي وايي، په پام کې لري چې د ۵۳۴۵۷۵ ډالرو په لګښت د دغه ولایت د څلورو ولسوالیو اوسېدونکو ته د څښاک صحي اوبه برابرې کړي.