د اسلامي امارت د کانونو او پټرولیم وزارت سرپرست شهاب الدین دلاور د ترکیې له پانګوالو سره په کتنه کې له بهرنیو هېوادونو وغوښتل چې د افغانستان د کانونو په سکتور کې پانګونه وکړي.

د خان سټیل شرکت مشر د کانونو او پټرولیم وزارت له سرپرست شهاب الدین دلاور سره په لیدنه کې وویل، دغه شرکت چمتو دی چې په هېواد کې دننه د نفتو د تصفیې او د افغانستان د نفتو په استخراج کې پانګونه وکړي.

د المان د ۳۰ شرکتونو د فدراسیون اجراییوي رئیس ډاکټر سباستیان هاین زمري د اسلامي امارت د کانونو وزارت له تخنیکي معین وحیدالله حلیمي سره وکتل او د افغانستان په کانونو کې یې د پانګونې غوښتنه وکړه.

په کابل کې د ایران د اسلامي جمهوریت ځانګړي استازي او سفیر حسن کاظمي قمي د کانونو او پټرولیم وزارت له سرپرست شهاب الدین دلاور سره په کتنه کې له افغانستان سره په بیلابیلو برخو په تیره بیا د افغانستان د کانونو په سکتور کې د پانګونې لپاره د خپل هیواد چمتووالی اعلان کړ.