د کندهار د سوداګرۍ او پانګونې خونې چارواکي وايي، سږ کال د کندهار له لارې د نړۍ بازارونو ته د څه باندې ۱۵ میلیونه ډالرو په ارزښت ۲۸ زره ۳۴۳ ټنه انګور صادر شوي دي.

د کندهار د سوداګرۍ او پانګونې خونې مشر وايي، سږ کال له کندهار ولايت څخه پنځلس زره ټنه انګور د نړۍ بازارونو په ځانګړي ډول د سيمې او ګاونډيو هېوادونو ته صادر شوي دي.

د کندهار سیمه ییز چارواکي د چهارشنبې په ورځ (سرطان ۱۴) وویل، چې له کندهار ولایت څخه بهر ته د انګورو صادرات پیل شوي دي.