د رئیس الوزرا اقتصادي مرستیال ملا عبدالغني برادر اخند له شپږ ورځني سفر وروسته کابل ته راستون شو او د پانګونې د جلبولو په موخه یې له ترکي اقتصادي چارواکو سره خبرې وکړې.

د رئیس الوزرا د اقتصادي چارو مرستیال ملا عبدالغني برادر په استانبول کې له یو شمېر لویو ترکي او افغان سوداګرو سره په کتنه کې وویل چې په افغانستان کې د هر اړخیز امنیت په تامین سره به په بېلابېلو برخو کې د پانګونې فرصتونه شته.

اقتصادي کارپوهان د پانګوالو د ملاتړ په برخه کې د اسلامي امارت د تګلارې ستاینه کوي او وايي چې دغه اقدام په تیر یو نیم کال کې په ملیونونو ډالره کورنۍ او بهرنۍ پانګونه په هیواد کې جذب کړې ده.

ويناوالو د کابل په لويديځ کې د جامو جوړولو د يوه شرکت د پرانيستې پر مهال په هېواد کې د سوداګرو له پانګونې څخه د خوښۍ په څرګندولو سره وويل چې په افغانستان کې د توليدي شرکتونو په جوړېدو سره به ځوانانو ته د کار زمينه برابره شي.