د رپوټ پر بنسټ،داسې انګېرل کېږي چې افغان طالب مشران له یوې لسیزې ترهګریزو او ویجاوړونکو فعالیتونو څخه وروسته،اوس له پاکستان څخه افغانستان ته ستانه شوي دي.
دخپریدو نیټه :شنبه ۶ قوس ۱۳۹۵ ساعت ۱۹:۴۹
د مطلب کود : 134349
په ۲۰۰۱ زیږدیز کال کې پر افغانستان د امریکا له برید څخه وروسته چې د سپټمبر د ۱۱ مې په غبرګون کې ترسره شوه. د طالبانو مشران پاکستان ته وتښتېدل او په دغې موده کې د کوټې،کراچۍ او پېښور په ښارونو کې وو.
د طالبانو ویاند ذبیح الله مجاهد،اسوشېټډ پرس ته ویلي چې د طالبانو د مشرتابه شورا څو میاشتې وړاندې له پاکستان څخه افغانستان ته لېږدول شوې ده.
خو هغه د دې په اړه چې شورا د افغانستان په کومو برخو کې مېشته شوې،څه نه دي ویلي.
ویل کیږی چې د طالب ډلې یوه چارواکي چې د نوم له اخیستو څخه یې ډاډه کړې ویلي چې د هلمند په سوېل کې یوې سیمې ته لېږدول شوې ده.
دغه سیمه د کوکنارو ډېری کښتونه لري چې د طالبانو یوه له مهمو عایداتي سرچینو څخه شمېرل کېږي او طالبان له دغې سیمې څخه د اصلي مرکز په نامه یادونه کوي.
avapress.com/vdcjxxevhuqettz.b,fu.html
ډیری لیدل شوي
