د سمنګان ولایت د کلیو پراختیا او بیارغونې ریاست چارواکي وايي، سږ کال یې ۲۷۴ بېلابېلې پروژې پلې کړې دي. د دوی په وینا، د ۱۱ نورو پروژو کار روان دی او د دغه ولایت په کچه د دغو پروژو ټولیز لګښت څه باندې ۴۴۵ میلیونه افغانیو ته رسېږي.

د مالیې وزارت چارواکي وايي، د ننګرهار ګمرک اړوند "کابل کمپ ګمرک" کې د ۵۱،۵ میلیونه افغانیو په ارزښت د یو شمېر بنسټیزو پروژو د جوړولو چارې پیل شوې.

د چین د یوه دولتي شرکت یوه لوړ پوړي پلاوي په چین کې د افغانستان د سفارت له مشر سره په کتنه کې په افغانستان کې د ریل پټلۍ، هوايي ډګرونو، لویو لارو او نورو بنسټیزو پروژو په برخه کې د پانګونې لپاره چمتووالی اعلان کړ.