د رئیس الوزرا اداري مرستیال د کابل له والي سره په کتنه کې وویل، اسلامي امارت د هېوادوالو لپاره د کاري فرصتونو د رامنځته کولو، په کابل کې د څښاک د پاکو اوبو د ستونزو د حل او د سترو پرمختیايي پروژو په پلي کولو کې پوره هڅې کوي.

د اسلامي امارت د کلیو پراختیا او بیارغونې وزارت اعلان کړی چې په بغلان ولایت کې د ۵۳ میلیونه افغانیو په ارزښت د اوبو رسولو ۸ شبکې ګټې اخیستنې ته سپارل شوي دي.

د سمنګان ولايت د اوبو رسولو او فاضله اوبو رياست چارواکي وايي: په سمنګان ولايت کې د څه دپاسه ١٨ زره مترو په اوږدوالي سره د ٢٢ ميليونه افغانيو په لګښت د اوبو رسولو شبکه ګټې اخيستنې ته وسپارل شوه چې له دې لارې به څه دپاسه زرو کورنيو ته به اوبه برابری شي.

په کابل کې د اسلامي امارت سرپرست والي محمد قاسم خالد په افغانستان کې د ملګرو ملتونو د مرستندویه پلاوي (یوناما) د مرکزي زون د دفتر له مشر انیت لیت سره په کتنه کې وویل چې ملګري ملتونه باید د اوبو د کمښت د له منځه وړلو لپاره همکاري وکړي.

د مهاجرت نړیوال سازمان (IOM) اعلان کړی چې د افغانستان ۷۹ سلنه خلک د څښاک پاکو اوبو ته لاسرسی نه لري.

په فراه ولایت کې د اسلامي امارت سیمه ییزو چارواکو د دغه ولایت په پشت رود ولسوالۍ کې د اوبو رسولو د شپږو پروژو د کار د بشپړیدو خبر ورکړی دی.

د باميان د کرنې رياست د مسوولينو په وينا، د دغه ولايت په سيداباد کلي کې د اسلامي فلاحي موسسې په مالي همکارۍ د دغه ولايت د اوبو لګولو د يوې پروژې د جوړولو کار پيل شوى دى.

د څښاک د پاکو اوبو د کمښت په اړه د پلازمېنې د یو شمېر ښاریانو له شکایتونو وروسته د ښاري چارو کارپوهان وايي، که په کابل ښار کې د نړیوالو معیارونو سره سم د اوبو رسولو پروژې پیل نه شي، ډېر ژر به ښاریان او حکومت د یوه ناورین شاهدان وي.