د هېواد د برېښنا شرکت اعلان کړی، چې د کابل او ۱۳ نورو ولایتونو برېښنا، چې د ترمیم له امله پرې شوې وه، بېرته وصل شوه.

د برښنا شرکت وايي، چې تېره شپه ۷ بجې د پلخمري - کابل ۲۲۰ کیلوواټه وارداتي برېښنا په لاره کې د تخنيکي ستونزې له امله د کابل او د ځینو ولايتونو برېښنا پرې شوي.

د برېښنا شرکت (برښنا) ویلي، چې له ترکمنستان څخه افغانستان ته د وارداتي برېښنا موده تر ۲۰۲۳ کال پورې غځول شوې ده.

د کابل یو شمېر ښاریان په پلازمېنه کې د برېښنا پر پرله پسې قطع کیدو نیوکه کوي. دوی وايي چې د برېښنا نشتوالي د اوبو رسولو سیستم ګډوډ کړی او اسلامي امارت باید دې مسئلې ته جدي پاملرنه وکړي.

د برشنا شرکت د خبرپاڼې له مخې، د یوه ازبکستاني شرکت وارداتي برېښنا د تخنیکي عوارضو له امله د دوو ورځو لپاره پرې شوې او له همدې امله کابل په دې موده کې د برېښنا له کمښت سره مخ دی.

په هرات ولایت کې دولتي سرچینې وايي، دغه ولایت ته له ترکمنستان څخه وارداتي برېښنا پرې شوې ده.