د اطلاعاتو او کلتور وزیر نن (پنجشنبه، دلوې ۲۷) د هرات ولایت له رسنیو او خبریالانو سره په کتنه کې ټینګار وکړ چې رسنۍ دې د خلکو ترمنځ د پیوستون او ورورګلوۍ په رامنځته کولو کې هڅې وکړي او هیچاته دې اجازه ورنه کړي چې د هېوادوالو تر منځ منفي تبلیغات وکړي.
دخپریدو نیټه :پنجشنبه ۲۷ دلو ۱۴۰۱ ساعت ۱۶:۳۲
د مطلب کود : 265606
افغان غږ خبری آژانس - هرات: د اطلاعاتو او کلتور وزیر هرات ته د سفر په ترڅ کې د دغه ولایت د رسنیو د خوندیتوب او څارنې کمیټې له مسئولینو او خبریالانو سره وکتل.
په دې غونډه کې د هېواد په لوېديځه حوزه کې د رسنيو د ساتنې او څارنې کمېټې مسئول شميل احمد مشعل وويل: اوسمهال په لوېديځه حوزه کې ٦٥ ويډيويي، غږيزې، چاپي او راډيويي رسنۍ فعاليت کوي.
ده وویل: له دغو رسنیو څخه ۲۸ چاپي، ویډیويي، غږیزې او راډیويي رسنۍ یوازې په هرات کې فعالې دي او ټول خبریالان او رسنۍ د اسلامي امارت له حکومت څخه د اطلاعاتو او مالیاتو په برخو کې د همکارۍ غوښتونکي دي.
ده یادونه وکړه: په دوو ولایتونو غور او فراه کې ښځینه خبریالانې په رسنیو کې کار نه شي کولای.
ښاغلي مشعل همدا راز د اطلاعاتو او کلتور له وزیر څخه وغوښتل چې دې مسئلې ته جدي پاملرنه وکړي.
هغه په ټینګار سره وویل: له نېکه مرغه په هرات کې له رسنیو سره د حکومت همکاري ښه ده او لا ډېر کار ته اړتیا ده.
په همدې حال کې د هېواد د اطلاعاتو او کلتور وزير مولوي خيرالله خيرخواه د هرات د خبريالانو د غوښتنو په ځواب کې وويل: هر هغه څه چې د دغه وزارت په واک او صلاحيت کې وي، هر ډول همکارۍ ته چمتو دي.
هغه زیاته کړه: رسنۍ دې د خلکو تر منځ د پیوستون او ورورګلوۍ په رامنځته کولو کې هڅې وکړي او هیچا ته اجازه ورنه کړي چې د خلکو تر منځ منفي تبلیغات وکړي.
مولوي خيرخواه په دوام کې وويل، هغه رسنۍ چې د ماليې ستونزې لري او يا هم د برېښنا پيسې پوروړي دي چمتو دي چې د دې ستونزې په اړه د هېواد له مرکز څخه له اړوندو ادارو سره خبرې وکړي.
د هېواد د اطلاعاتو او کلتور وزیر هم ټینګار وکړ: له نېکه مرغه په هرات کې د رسنیو له لوري کومه جدي ستونزه نه ده رامنځته شوې او دا د رسنیو او سیمه ییزې ادارې ترمنځ د ښې همکارۍ ښودنه کوي.
دا په داسې حال کې ده چې پرون د اطلاعاتو او کلتور وزير هرات ولايت ته راغلى و او د دغه ولايت له بېلابېلو کلتوري ډلو او خبريالانو سره يې وکتل او د همکارۍ ژمنه يې وکړه.
په دې غونډه کې د هېواد په لوېديځه حوزه کې د رسنيو د ساتنې او څارنې کمېټې مسئول شميل احمد مشعل وويل: اوسمهال په لوېديځه حوزه کې ٦٥ ويډيويي، غږيزې، چاپي او راډيويي رسنۍ فعاليت کوي.
ده وویل: له دغو رسنیو څخه ۲۸ چاپي، ویډیويي، غږیزې او راډیويي رسنۍ یوازې په هرات کې فعالې دي او ټول خبریالان او رسنۍ د اسلامي امارت له حکومت څخه د اطلاعاتو او مالیاتو په برخو کې د همکارۍ غوښتونکي دي.
ده یادونه وکړه: په دوو ولایتونو غور او فراه کې ښځینه خبریالانې په رسنیو کې کار نه شي کولای.
ښاغلي مشعل همدا راز د اطلاعاتو او کلتور له وزیر څخه وغوښتل چې دې مسئلې ته جدي پاملرنه وکړي.
هغه په ټینګار سره وویل: له نېکه مرغه په هرات کې له رسنیو سره د حکومت همکاري ښه ده او لا ډېر کار ته اړتیا ده.
په همدې حال کې د هېواد د اطلاعاتو او کلتور وزير مولوي خيرالله خيرخواه د هرات د خبريالانو د غوښتنو په ځواب کې وويل: هر هغه څه چې د دغه وزارت په واک او صلاحيت کې وي، هر ډول همکارۍ ته چمتو دي.
هغه زیاته کړه: رسنۍ دې د خلکو تر منځ د پیوستون او ورورګلوۍ په رامنځته کولو کې هڅې وکړي او هیچا ته اجازه ورنه کړي چې د خلکو تر منځ منفي تبلیغات وکړي.
مولوي خيرخواه په دوام کې وويل، هغه رسنۍ چې د ماليې ستونزې لري او يا هم د برېښنا پيسې پوروړي دي چمتو دي چې د دې ستونزې په اړه د هېواد له مرکز څخه له اړوندو ادارو سره خبرې وکړي.
د هېواد د اطلاعاتو او کلتور وزیر هم ټینګار وکړ: له نېکه مرغه په هرات کې د رسنیو له لوري کومه جدي ستونزه نه ده رامنځته شوې او دا د رسنیو او سیمه ییزې ادارې ترمنځ د ښې همکارۍ ښودنه کوي.
دا په داسې حال کې ده چې پرون د اطلاعاتو او کلتور وزير هرات ولايت ته راغلى و او د دغه ولايت له بېلابېلو کلتوري ډلو او خبريالانو سره يې وکتل او د همکارۍ ژمنه يې وکړه.
avapress.net/vdcawmnui49nii1.hxk4.html
ټګونه
ډیری لیدل شوي
