د اطلاعاتو او کلتور وزارت سرپرست خیرالله خیرخواه وايي، د رسنیو هغه فعالیتونه چې په هېواد کې د سیاسي ګوندونو له خوا ترویج کېږي، د اطلاعاتو او فرهنګ وزارت له خوا به وارزول شي.

د اطلاعاتو او کلتور وزارت سرپرست ملا خیرالله خیرخواه وویل چې په هیواد کې د اسلامي امارت په راتګ سره اشغال پای ته ورسید، فساد له منځه لاړ، د قدرت یوه جزیره له منځه لاړه او د افغانستان د تجزیې مخه ونیول شوه.

د شیعه علماو د شورا مرستیال حجت الاسلام والمسلمین محمد اکبری د اسلامی امارت د اطلاعاتو او کلتور له سرپرست وزیر سره په کتنه کښې څرګنده کړه: شیعه ګان د اسلامی امارت له نظام څخه بشپړ ملاتړ کوی او زیاته یې کړه: شیعه ګان له هیچا سره ستونزه نه لري او هغه څوک چې اختلافاتو ته لمن وهي باید مخه یې ونیول شي.

د اطلاعاتو او کلتور وزیر نن (پنجشنبه، دلوې ۲۷) د هرات ولایت له رسنیو او خبریالانو سره په کتنه کې ټینګار وکړ چې رسنۍ دې د خلکو ترمنځ د پیوستون او ورورګلوۍ په رامنځته کولو کې هڅې وکړي او هیچاته دې اجازه ورنه کړي چې د هېوادوالو تر منځ منفي تبلیغات وکړي.