په کابل کې د غلو یوه ډله له ۹ غلا شویو موټرو سره ونیول شوه

افغان غږ خبری آژانس - کابل: د کابل د امنیه قومندانۍ ویاند خالد ځدراڼ نن (شنبه، سنبله ۲۵) په خپله ټولنیزه پاڼه کې لیکلي چې د کابل د پولیسو د ۱۵مې ناحیې پولیسو د مسلکي غلو یوه ډله له ۹ غلا شویو موټرو سره نیولې ده.

 

د نوموړي د څرګندونو له مخې، د غلو دغې ډلې چې شمېر يې اتو تنو ته رسېږي، د کابل ښار له بېلابېلو سيمو څخه يې ٩ موټر غلا کړي وو، چې د پوليسو له پرله پسې هڅو وروسته ونيول شول او درې غلا شوي موټرونه يې د هغوى خاوندانو ته وسپارل.

 

هغه ټینګار وکړ، چې تر اوسه د شپږو نورو غلا شویو موټرو خاوندان نه دي موندل شوي، هغه ښاریان چې موټرونه یې په کابل ښار کې غلا شوي، کولای شي ۱۵ ناحیې ته مراجعه وکړي.