په فرانسه کې زرګونو کسانو په غزه کې د سمدستي اوربند غوښتنه وکړه

(افغان غږ خبری آژانس: د یورو نیوز د راپور له مخې، په دغه مظاهره کې ګډونوالو د فرانسې له حکومت څخه د اوربند د ټینګښت لپاره د لا زیاتو هڅو غوښتنه وکړه. په پاریس کې د شنبې ورځې په مظاهره کې یو شمېر کیڼ اړخو سیاسي مشرانو او د سوداګرو د اتحادیې مشرانو برخه اخیستې وه.

 

د راپورونو له مخې، د پاریس له مظاهرو سربیره د لیون، مارسیل، تولوس، نیس، سټراسبورګ او رینس په ښارونو کې هم د فلسطینیانو له حقونو څخه د دفاع په موخه لاریونونه وشول.