تاند- د ناټو ترمشرۍ لاندې د د سلواکیا یو سرتېری پرون/ سې شنبه/ په افغانستان کې ووژل شو.
د سلواکیا دفاع وزارت وویل چې د دغه هیواد یو سرتېری هغه مهال ووژل شو او شپږ نور ژوبل شول چې یوه افغان سرتېري پرې برید وکړ.
په کندهار کې د هوايي لوا قومندان جنرال عبدالرزاق شېرزي وویل چې دا حمله په کندهار ولایت کې د افغانستان د ملي اردو د یوه عسکر له لوري شوې ده.
لومړني راپورونه وايي چې په برید کې ۳ چکي پوځیان ژوبل شوي دي.
د هوايي لوا قومندان جنرال شېرزی وايي چې حمله کوونکی افغان عسکر ژوندی نیول شوی دی.
تېر کال د افغان ځواکونو له منځه پر بهرنیو پوځیانو خورا زیات بریدونه وشول خو سږ کال د دا ډول حملو مخه تر ډېره حده نیول شوې ده. دا برید له ډېرې مودې وروسته د یوه افغان عسکر له لوري پر بهرنیو ځواکونو شوی دی.
پرونی برید په داسي وخت کې وشو چې راپورونو وویل چې د امریکا ولسمشر بارک اوباما نهیلی شوی او غواړي چې راتلونکی کال له افغانستانه خپل ټول پوځیان وباسي. د اوباما د پرېکړې په اړه د نیویارک ټایمز او سي این این راپورونه د امریکا دفاع وزارت او سپینې ماڼۍ په ضمني ډول تایید کړل.
د سلواکیا دفاع وزارت وویل چې د دغه هیواد یو سرتېری هغه مهال ووژل شو او شپږ نور ژوبل شول چې یوه افغان سرتېري پرې برید وکړ.
په کندهار کې د هوايي لوا قومندان جنرال عبدالرزاق شېرزي وویل چې دا حمله په کندهار ولایت کې د افغانستان د ملي اردو د یوه عسکر له لوري شوې ده.
لومړني راپورونه وايي چې په برید کې ۳ چکي پوځیان ژوبل شوي دي.
د هوايي لوا قومندان جنرال شېرزی وايي چې حمله کوونکی افغان عسکر ژوندی نیول شوی دی.
تېر کال د افغان ځواکونو له منځه پر بهرنیو پوځیانو خورا زیات بریدونه وشول خو سږ کال د دا ډول حملو مخه تر ډېره حده نیول شوې ده. دا برید له ډېرې مودې وروسته د یوه افغان عسکر له لوري پر بهرنیو ځواکونو شوی دی.
پرونی برید په داسي وخت کې وشو چې راپورونو وویل چې د امریکا ولسمشر بارک اوباما نهیلی شوی او غواړي چې راتلونکی کال له افغانستانه خپل ټول پوځیان وباسي. د اوباما د پرېکړې په اړه د نیویارک ټایمز او سي این این راپورونه د امریکا دفاع وزارت او سپینې ماڼۍ په ضمني ډول تایید کړل.
سرچينه : د صدای افغان خبری آژانس(آوا)
