د دفاع وزارت چارواکي وایي، د محبوسینو د خوشې کولو په لړ کې، د روان کال له حمل میاشتې راهیسې کابو شپږسوه بندیان خوشې شوي دي.
د دفاع وزارت د نظامي پولیسو د فرقې د عامه چارو مدیر ډګروال جلال الدین دهاتي د جمعې په ورځ ازادي راډیو ته وویل؛ چې نن د بګرام له زندان او څرخي پله له ځانګړی توقیف خانې څخه اتیا تنه بندیان چې د حبس مودې یې بشپړې شوې وې، خوشې شول:
"په مجموع کې په ننني پروګرام کې اتیا تنه بندیان، د څرخي پله او بګرام له زندانونو څخه خوشې شول، په دې کې اکثره د پروان، کاپیسا، لوګر، کابل، میدان وردکو او پکتیا اوسیدونکي وو.
دا هغه بندیان وو، چې پخوا د بهرنیو ځواکونو له خوا نیول شوي او بیا وروسته دوی ته ته سپارل شوي وو."
ده وویل، د دې بندیانو دوسیې یوې ځانګړې کمیټې چې د سترې محکمې، لویې څارنوالۍ، د ملي امنیت د عمومي ریاست او د دفاع او کورنیو چارو وزارتونو له استازیو جوړه ده؛ څیړل شوي دي.
ډګروال دهاتي وویل، دا هغه بندیان وو، چې له افغان او بهرنیو ځواکونو سره په مستقیمو نښتو کې د بهرنیو ځواکونو له خوا نیول شوي وو.
ده داهم وویل، په دوی کې داسې کسان هم وو، چې له مخالفینو سره یې اړیکې لرل هم ثابت شوي وو.
دهاتي وویل، د ځانګړې کمیټې د پرېکړې له مخې، ټاکل شوې ده، د روان د دلوې ترلسمې پورې یوزرو دوه نور داسې بندیان هم خوشې شي:
"پروګرامونه ترتیبیږي، ځانګړې کمېټه خپل کارته دوام ورکوي، په پام کې ده، چې د دلوې ترلسمې نیټې پورې په مجموع کې یوزرو دوه سوه نور داسې بندیان هم خوشې شي."
ډګروال دهاتي زیاته کړه، اوسمهال د بګرام په زندان کې درې زره او د څرخي پله په ځانګړی توقیف خانه کې څلور سوه داسې کسان بندیان دي.
د بګرام د زندان چارې د روان کال د سنبلې په میاشت کې افغان ځواکونو سپارل شوي دي.
د هغې پریکړې له مخې چې د کابل او واشنګتن ترمنځ شوې، په کې راغلي، چې بهرني ځواکونه حق نه لري، په افغانستان کې دننه زندانونه ولري
د دفاع وزارت د نظامي پولیسو د فرقې د عامه چارو مدیر ډګروال جلال الدین دهاتي د جمعې په ورځ ازادي راډیو ته وویل؛ چې نن د بګرام له زندان او څرخي پله له ځانګړی توقیف خانې څخه اتیا تنه بندیان چې د حبس مودې یې بشپړې شوې وې، خوشې شول:
"په مجموع کې په ننني پروګرام کې اتیا تنه بندیان، د څرخي پله او بګرام له زندانونو څخه خوشې شول، په دې کې اکثره د پروان، کاپیسا، لوګر، کابل، میدان وردکو او پکتیا اوسیدونکي وو.
دا هغه بندیان وو، چې پخوا د بهرنیو ځواکونو له خوا نیول شوي او بیا وروسته دوی ته ته سپارل شوي وو."
ده وویل، د دې بندیانو دوسیې یوې ځانګړې کمیټې چې د سترې محکمې، لویې څارنوالۍ، د ملي امنیت د عمومي ریاست او د دفاع او کورنیو چارو وزارتونو له استازیو جوړه ده؛ څیړل شوي دي.
ډګروال دهاتي وویل، دا هغه بندیان وو، چې له افغان او بهرنیو ځواکونو سره په مستقیمو نښتو کې د بهرنیو ځواکونو له خوا نیول شوي وو.
ده داهم وویل، په دوی کې داسې کسان هم وو، چې له مخالفینو سره یې اړیکې لرل هم ثابت شوي وو.
دهاتي وویل، د ځانګړې کمیټې د پرېکړې له مخې، ټاکل شوې ده، د روان د دلوې ترلسمې پورې یوزرو دوه نور داسې بندیان هم خوشې شي:
"پروګرامونه ترتیبیږي، ځانګړې کمېټه خپل کارته دوام ورکوي، په پام کې ده، چې د دلوې ترلسمې نیټې پورې په مجموع کې یوزرو دوه سوه نور داسې بندیان هم خوشې شي."
ډګروال دهاتي زیاته کړه، اوسمهال د بګرام په زندان کې درې زره او د څرخي پله په ځانګړی توقیف خانه کې څلور سوه داسې کسان بندیان دي.
د بګرام د زندان چارې د روان کال د سنبلې په میاشت کې افغان ځواکونو سپارل شوي دي.
د هغې پریکړې له مخې چې د کابل او واشنګتن ترمنځ شوې، په کې راغلي، چې بهرني ځواکونه حق نه لري، په افغانستان کې دننه زندانونه ولري
سرچينه : د صدای افغان خبری آژانس(آوا)
