د اطلاعاتو او کلتور وزارت سرپرست خیرالله خیرخواه وايي، د رسنیو هغه فعالیتونه چې په هېواد کې د سیاسي ګوندونو له خوا ترویج کېږي، د اطلاعاتو او فرهنګ وزارت له خوا به وارزول شي.

د عدلیې وزارت چارواکي د ټولو سیاسي ګوندونو پر فعالیتونو د بندیز په اعلانولو سره وايي چې د سیاسي ګوندونو فعالیت شرعي اساس نه لري او اسلامي امارت ټول قوانین د اسلامي شریعت پر اساس وضع کړي دي.

د اسلامي امارت ویاند ذبیح الله مجاهد وايي چې د اسلامي امارت مشر ملا هبت الله اخندزاده د ولایتونو د اطلاعاتو او کلتور رئیسانو ته ویلي چې د اسلامي شریعت پلي کول باید په لومړي ګام کې وي.

د افغانستان د اسلامي امارت رهبري شورا د کوچني اختر په مناسبت په یوه پیغام کې ویلي چې افغانستان له خپلو ګاونډیانو، اسلامي هېوادونو او نړۍ سره د اسلامي اصولو په رڼا کې مثبت تعامل غواړي او د افغانستان په چارو کې لاسوهنه نه منو ځکه چې دا کار نه د دوی په ګټه ده او نه هم د افغانستان په ګټه.