په خوست ولایت کې د اسلامي امارت امنیتي مسؤلینو اعلان کړی چې د خوست ښار په ځینو برخو کې د امنیتي کمرو د نصبولو لړۍ پیل شوې ده.

کورنیو چارو وزارت د بښنې نړیوال سازمان د یوه چارواکي هغه ادعا رد کړه چې ګواکې په کابل او نورو ځایونو کې د اسلامي امارت له خوا د ۶۲۰۰۰ امنیتي کامرو نصبول د خلکو له محرمیت څخه سرغړونه ده، د کورنیو چارو وزارت ویلي چې د امنیتي کمرو نصبول نه یوازې په افغانستان کې بلکې په نړۍ کې یوه عادي خبره ده.

د کورنیو چارو وزارت چارواکو په کابل ښار کې د څه باندې ۶۲ زره امنیتي کامرو د نصبولو اعلان وکړ او ویې ویل چې دغه کمرې په پټه د ښار مهمو ځایونو او ستراتیژیکو نقطو ته لېږدول شوې وې.

د افغانستان د اسلامي امارت د کورنیو چارو وزارت د اکمالاتي چارو معین د چینایي کمپنۍ Huawei له استازو سره په لیدنه کې وویل چې د افغانستان په هر ولایت کې به د پرمختللو کمرو سیستم فعال کړو.

پوځي کارپوهان وايي، د کابل ښار په واټونو او د استوګنې په کورونو کې د امنیتي کمرو نصبول د جرمونو په کمولو کې مرسته کوي، ځکه مجرمین نور نه شي کولای خپل مخونه پټ کړي او په اسانۍ سره پېژندل کیدای شي.

په کابل کې د اسلامي امارت د امنیې قومندانۍ ویاند په دغه ښار کې د امنیتي کمرو د نصبولو کمپاین پیل کړی دی. د هغه په وينا، دا اقدام د امنيتي وضعيت د زياتوالي او په دې برخه کې د هېوادوالو د مرستې په موخه دى.