د افغانستان د اورګاډي پټلۍ رئيس ملا بخت الرحمن شرافت چې په يوه سوداګريز سفر ايران ته تللى، د ايران په مشهد ښار كې د ايران د خراسان رضوي له والي سردار نظري سره وليدل او دواړو لورو د دغه سفر په لا پراختيا ټينګار وكړ.

د اوسپنې پټلۍ د ادارې مسوولین وايي چې د دې ادارې مشر د خواف - هرات د اورګاډي د درېیمې برخې د لېږد رالېږد د چټکتیا او کارکوونکو ته د موقتي تخنیکي روزنې د برابرولو په هدف د یوه پلاوي په مشرۍ ایران ته سفر کړی دی.

د هېواد د اورګاډي ادارې د خواف - هرات اورګاډي کرښې ته د افغان او ایراني پلاوي د سفر خبر ورکړی او وايي، چې د پاتې نیمګړتیاوو په پوره کولو سره به د ۱۴۰۲ کال پورې له دغې لارې د سوداګریزو توکو د لېږد چارې پیل شي.

د اسلامي امارت د ریل پټلۍ ریاست وايي چې د خواف - هرات د ریل پټلۍ د دریمې برخې کار به ډیر ژر بشپړ شي.