د اسلامي امارت ویاند ذبیح الله مجاهد په ویانا کې د پخواني رژیم د سیاسي شخصیتونو وروستۍ غونډې ته په غبرګون کې وايي، چې د پخواني رژیم سیاسي شخصیتونه د ولس په ګټه دریځ نه لري او نه به یې اجازه ورکړي چې افغانستان ناامنه کړي.

د اتریش په پلازمېنه ویانا کې د جمهوري دولت د دورې د یو شمېر سیاسي څېرو له غونډې وروسته، د نړیوالو اړیکو کارپوهان وايي، چې د غربي هېوادونو استخباراتي کړۍ په افغانستان کې د تښتېدلي سیاستوالو ته د مالي امکاناتو په برابرولو سره د یوې نوې جګړې د پیلولو په لټه کې دي.