د تخنيکي او مسلکي زده کړو رئيس مولوي غلام حيدر شهامت باميان ولايت ته سفر وکړ او ويې ويل، چې په باميان کې د تخنيکي او مسلکي زده کړو په برخه کې شته ستونزو ته پاملرنه کېږي.

د ايران د اسلامي آزاد پوهنتون د افغانستان څانګې رئيس د افغانستان د تخنيکي او مسلکي زده کړو د څانګې له مشر سره په کتنه کې له دغې څانګې سره د علمي مرستو ډاډ ورکړ او ويې ويل، چې د اړتيا له مخې به په بېلابېلو برخو کې د ايراني کارپوهانو په تخنيکي او مسلکي برخو کې مرسته وکړي.