د تخنيکي او مسلکي زده کړو رئيس مولوي غلام حيدر شهامت باميان ولايت ته سفر وکړ او ويې ويل، چې په باميان کې د تخنيکي او مسلکي زده کړو په برخه کې شته ستونزو ته پاملرنه کېږي.
دخپریدو نیټه :جمعه ۱۲ جوزا ۱۴۰۲ ساعت ۱۳:۰۷
د مطلب کود : 271093
د تخنیکي او مسلکي زده کړو رئیس:
په بامیان کې د تخنیکي او مسلکي زده کړو په برخه کې ستونزې اوارې شوې
افغان غږ خبری آژانس - بامیان: د بامیان ولایت د تخنیکي او مسلکي زده کړو رئیس مولوي غلام حیدر شهامت چې تېره پنجشنبه (جوزا ۱۱) د بامیان ولایت د مسلکي ښوونځیو او ښوونځیو د وضعیت د ارزونې په موخه دغه ولایت ته سفر کړی و، ژمنه وکړه د تخنيکي زده کړو په برخه کې شته ستونزې هوارې کړي او په دې ولايت کې يې مسلک ورکړ.
په خبرپاڼه کې ویل شوي، چې ښاغلي شهامت د بامیان ولایت د تخنیکي او مسلکي برخې د مسوولینو او همدارنګه د دغه ریاست د استادانو د ستونزو له اورېدو وروسته ژمنه وکړه، چې د دوی ستونزې به په قانوني او اصولي ډول حل کړي.
د تخنيکي زده کړو رئيس وويل: په تېرو څلوېښتو کلونو کې بهرنيانو زموږ هېواد منزوي کړی او موږ يې د پرمختګ او ټکنالوژۍ له نړيوال کاروان څخه لېرې ساتلي دي.
نوموړي همدا راز زیاته کړه چې د تخنیکي او مسلکي زده کړو ریاست چمتو دی چې په بامیانو کې د مجاهدینو، دفتري کارکوونکو او د دیني مدرسو زده کوونکو ته د حرفوي زده کړو زمینه برابره کړي.
د باميان والي مولوي عبدالله سرحدي هم د باميان د دولتي ادارو ترمنځ کاري چاپيريال د نيږدېوالي او ورورګلوۍ چاپيريال وباله او د سيمه ييزو ارګانونو پر همکارۍ يې ټينګار وکړ.
avapress.com/vdchwznix23nqvd.yjt2.html
ټګونه
ډیری لیدل شوي
