د افغانستان په چارو کې د ایران د اسلامي جمهوریت د جمهور رئیس د ځانګړي استازي اقتصادي سلاکار وویل چې د افغانستان په بازار کې د ایران ونډه ۳۵ سلنه ده چې د پام وړ شمېره ده. ده همداراز زیاته کړه: موږ نه یوازې د صادراتو په لټه کې یو، بلکې دغه هېواد ته د تکنالوژۍ او تخنیکي او انجینري خدمتونو لېږد او په افغانستان کې د تولیداتو زیاتول د اجنډا په سر کې دي.

د هېواد د صنایعو او سوداګرۍ وزارت سرپرست د ایران له سوداګرو او اقتصادی فعالانو سره په کتنه کښې وویل، د ایران او افغانستان ترمېنځ د اقتصادی او تجارتی ملګرتیاو ظرفیتونه او زمینې ډېرې دی. هغه زیاته کړه چې له ایران سره دوه میلیارده ډالره سوداګري لرو او غواړو چې د سوداګرۍ دغه حجم په کال کې ۱۰ میلیاردو ډالرو ته لوړ کړو.