د طبیعي پېښو پر وړاندې د مبارزې وزارت چارواکي وايي، چې د (AHF) موسسې په مالي مرسته یې د کونړ په دوو ولسوالیو کې پر ۱۳۰۰ اړمنو او بې وزلو کورنیو خوراکي توکي وېشلي دي.

د طبیعي پېښو پر وړاندې د مبارزې وزارت چارواکي دې ته په اشارې سره چې سږ کال په هېواد کې د طبیعي پېښو له امله تر زرو ډېر کسان مړه شوي، زیاته کړه چې دا مهال د افغانستان ۲۲ ولایتونه د طبیعي پېښو له ګواښ سره مخ دي.

په راتلونکي ژمي کې د بیړنیو حالاتو په اړه پرون چهارشنبه په هرات ولایت کې غونډه جوړه شوه چې په کې د هرات والي، د دولتي ادارو او غیر دولتي ادارو مسوولینو ګډون کړی و. په دې غونډه کې هغه پروګرام چې له طبيعي پيښو سره د مبارزې د رياست د بيړنيو حالاتو د کميټې له خوا چمتو شوى و؛ په دې غونډه کې تصويب شو.