د جمهوري ریاست په دوره کې په افغانستان کې د امریکا حکومت او اجنټانو له خوا لوی فسادونه وشول

افغان غږ خبری آژانس - کابل: د افغانستان پخوانی ولسمشر حامد کرزی له واشنګټن پوسټ سره په مرکه کې ویلی، چې د خپلې ولسمشرۍ پر مهال خلکو ته د خدمتونو په وړاندې کولو کې د فساد او رشوت خورۍ بشپړ مسوولیت پر غاړه لری، خو امریکا او د هغې اجنټان یې لامل دي، دا اصلي دی.
 
هغه ویلي دي چې ښکاره خبره ده چې د میلیونونو ډالرو یا سلګونو ملیونو ډالرو په شمیر لوی لوی قراردادونه، لوی فساد د امریکا د حکومت او اجنټانو پورې اړه لري.
 
د افغانستان پخواني ولسمشر ویلي چې د افغانانو تر منځ خبرې د اسلامي امارت او افغانستان دواړو په ګټه دي او اړتیا ده چې افغانان پر ځینو مسایلو توافق وکړي او د پرمختګ لپاره زمینه برابره کړي.
 
هغه وویل، د بین الافغاني مذاکراتو د اړتیا په اړه د اسلامي امارت له لوري توافق موجود دی، خو د پیل او عملي کېدو په اړه یې کوم پرمختګ نه دی شوی.
 
حامد کرزي د امریکا د حکومت له خوا د افغانستان د بهرنیو اسعارو د زیرمو په کنګلولو او د دغو ذخیرو یوه برخه د سپتمبر د یولسمې د حملې د قربانیانو او ژوندي پاتې شویو کسانو خپلوانو ته په ځانګړې کولو انتقاد وکړ.
 
ښاغلی کرزی له هېواده د پخواني ولسمشر اشرف غني تېښته د جمهوري نظام د سقوط لامل ګڼي.
 
د يادونې وړ ده، چې د حامد کرزي د ولسمشرۍ پر مهال د نړيوالې ټولنې تر ټولو زياتې مرستې افغانستان ته روانې وې، خو له دې سره سره د پراختيايي پروژو په برخه کې هېڅ بنسټيز کار نه دى شوى، بلکې د فساد له امله د افسوس ځاى دى. د دغو فنډونو څخه.