د جوزجان ولايت د مرکز شبرغان ښاروال وايي، چې د ښار په بېلابېلو سيمو کې د ٥٠ ميليونه افغانيو په ارزښت د لسو ټولګټو پروژو د جوړولو چارې، چې له تېرو دوو کلونو راهيسې روانې وې، بشپړې او ګټې اخيستنې ته وسپارل شوې.  

د میدان وردګو د کلیو د بیارغونې او پراختیا ریاست د نړیوال بانک په مالي همکارۍ د دغه ولایت په مرکز او جلریز او بهسودو ولسوالیو کې د څه باندې ۸۵ میلیونه افغانیو په لګښت د ۱۶۷ پرمختیايي پروژو د کار د پیل خبر ورکړ.

د لوګر سیمه ییز چارواکي وايي، په تېرو نهو میاشتو کې د ۸۸ میلیونه افغانیو په ارزښت یو شمېر ټولګټې پروژې بشپړې او ګټې اخیستنې ته وسپارل شوې.