د ښاري فرهنګ په اړه علمي کنفرانس د غور د والي، د لوړو زده کړو مؤسسې رئیس، د فیروزکوه ښاروال، د ادارو مسوولینو، دیني عالمانو، مجاهدینو، وکیلانو او ښاریانو په شتون کې د فیروزکوه ښاروالۍ د ادارې په همکارۍ جوړ شو.

کابل ښاروالۍ وايي، په لویو ښارونو په ځانګړې توګه کابل او نورو عامه ځایونو کې یې د رسنیو، بلبورډونو او مجازي فضا له لارې د ښاري کلتور د دودولو په برخه کې پراخ فعالیتونه ترسره کړي او له رسنیو او خلکو څخه غواړي چې د ښاري کلتور د دودولو او مراعاتولو په برخه کې جدي اقدامات وکړي او له دولت سره همکاري وکړئ.

د کابل ښاروالۍ ریاست د ښاري کلتور د دودولو او د ښاري اسانتیاوو د ساتنې په موخه یو پروګرام په لاره اچولی و، چې په ترڅ کې یې له ښاریانو وغوښتل شول، چې د ښار د ښکلا او پاکوالي په موخه د ښاروالۍ قوانین مراعات کړي.