په تېرو ۲۴ ساعتونو کې د ملي پولیسو ،ملي پوځ او ملي امنیت ځواکونو د ګډو چاڼیزو عملیاتو په لړ کې چې فاریاب ، جوزجان ، ننګرهار ، ارزګان ، خوست ، میدان وردک او پکتیکا ولایتونو په اړوندوسیمو کې یې ترسره کړل،۱۷ تنه ترهګر طالبان ووژل شول ،یو تن ټپی او۲ تنه د امنیتي ځواکونو له لورې ژوندي ونیول شول.
په یادو عملیاتو کې یوه اندازه وسلې او مهمات هم د ملي امنیتي ځواکونو لاسته ورغلي دي .
همدا راز د ملي پولیسو منسوبانو تېره ورځ ،۹ کړۍ ماینونه چې د طالب ترهګرو له لورې د ترهګریزوکړنو د ترسره کولو په موخه د لغمان او بلخ ولایتونو په اړوندو سیمو کې ځای پر ځای شوي وو کشف او شنډ کړای شول.
سرچينه : دصدای افغان خبری اژانس(اوا)
