په وروستي کال کې د هیواد د اوبو په زیرمو کې ۶ میلیارد متر مکعبه کموالی راغلی دی

افغان غږ خبری آژانس - کابل: د اوبو او انرژۍ وزارت نن سه شنبه وویل چې د افغانستان د اوبو زیرمې چې پخوا ۷۵ میلیارد متر مکعب اټکل کېدې، اوس ۶۹ میلیارد متر مکعب ته راټیټې شوې دی.
 
د اوبو او انرژۍ وزارت چارواکي ټینګار کوي، چې دوی ډېر پروګرامونه په لاس کې لري او په تېر یوه کال کې یې د بهرنیو موسسو په همکارۍ په هېواد کې ۳۶۰ پروژې پلې کړې، چې د سر بندونو، کوچنیو بندونو، کانالونو او د اوبو د بندونو جوړول په کې شامل دي. د اوبو اړوند پروژې.
 
د آریانا په وینا؛ د اوبو او انرژۍ وزارت مرستیال مجیب الرحمن عمرزاده وايي:«د افغانستان د اوبو کلنۍ اندازه ۷۵ میلیارد متر مکعب اټکل شوې وه. د اقلیم د بدلونونو له امله چې د اوبو په سرچینو باندې منفي اغیزې لري، دا شمیره ۶۹ میلیارد متر مکعب ته راټیټه شوې ده.
 
د دغه وزارت د چارواکو په وینا، دوی د ۱۳۵۱ کال د هوکړې له مخې د ایران د حقونو د برابرولو ته ژمن دي او هر کله چې ګاونډي هېوادونه د حقونو په اړه اندېښنې راپورته کړي، د نړیوالو قوانینو له مخې خبرو ته چمتو دي.
 
دوی زیاتوي چې د هېواد د اوبو د مدیریت لپاره تر ۴۰۰ ډېرې پروژې په لاس کې لري او غواړي چې په هېواد کې دننه د برېښنا تولید زیات کړي.
 
د اوبو او انرژۍ وزارت د پروګرامونو رئیس فرهاد محمودي وايي: "زموږ تمرکز په راتلونکي کال کې د ۵۰۰ کیلو واټه مزي د غځولو او له ترکمنستان څخه افغانستان ته د ۱۰۰۰ میګاواټه برېښنا د لېږد رالېږد په ارزانه بیه پر کولو دی."
 
دا په داسې حال کې ده، چې په تېرو کلونو کې د هېواد د اوبو مدیریت ته ډېره پاملرنه نه ده شوې او د هېوادوالو په وینا د افغانستان اوبه له کارونې پرته ګاونډیو هېوادونو ته بهېږي. دوی له دولت څخه غواړي چې د اوبو مدیریت وکړي ترڅو د هیواد راتلونکي نسلونه د اوبو له بحران سره مخ نه شي.