په دغه ښار کې د اوبو د کمښت په اړه د کابل د یو شمېر ښاریانو له شکایتونو وروسته، د انرژۍ او اوبو وزارت چارواکي وايي، د کابل ښار په بېلابېلو سیمو کې د ځمکې لاندې اوبو د مدیریت په موخه به د جذب څاګانې کیندل شي.

د کابل ولايت مطبوعاتي دفتر په يوه خبرپاڼه کې ويلي، چې د کابل والي محمد قاسم خالد، د يوناما او د ملګرو ملتونو د نورو ادارو له استازو سره په کتنه کې ويلي، چې ملګري ملتونه ژمن دي، چې د اوبو د کمښت د ستونزې په هواري کې همکاري وکړي.

د ۲۰۱ خالد بن ولید قول اردو چارواکي وايي، چې د دې قول اردو د دویمې لوا یوه سرتېري داسې وسیله جوړه کړې، چې په غرنیو سیمو کې تر یو کیلو متر پورې اوبه لېږدولی شي.

د کابل والي شیخ محمد قاسم خالد د «UNDP» موسسې له رئیس سره په کتنه کې وویل چې د کابل ښاریانو اوسنۍ جدي ستونزه د څښاک د اوبو کمښت دی او باید مرستندویه ادارې په دې برخه کې همکاري وکړي.

د برښنا په اړه د کابل ښاریانو له شکایتونو وروسته برشنا شرکت وايي چې د اوبو د کمښت له امله د کورنیو سرچینو د بریښنا د تولید اندازه کمه شوې او له دې وروسته به پر کابل سربیره په نورو ولایتونو کې هم د برښنا مزي کمی شي.

د ملګرو ملتونو د بشري چارو د همغږۍ دفتر (OCHA) وايي، په افغانستان کې د هغو کورنیو شمېر چې د اوبو له کمښت سره مخ دی، په ۲۰۲۱ کال کې له ۴۸ سلنې څخه په ۲۰۲۲ کال کې ۶۰ سلنې ته لوړ شوی دی.

د اوبو او انرژۍ وزارت چارواکي خبرداری ورکوي، چې د هېواد د اوبو زېرمې چې تېر کال ۷۵ میلیارد متر مکعب اټکل شوې وې، د اقلیم د بدلون او د هغې د منفي اغېزو له امله ۶۹ میلیارد متر مکعب ته راټيټې شوې دي.

د شمال اوسېدونکي وايي، د سختې یخنۍ او د اوبو د نلونو یخېدو زرګونه کورنۍ د اوبو د نشتوالي له ستونزې سره مخ کړي او د لارو په بندېدو سره د موټرو تګ راتګ هم له ستونزو سره مخ شوی دی.

د څښاک د پاکو اوبو د کمښت په اړه د پلازمېنې د یو شمېر ښاریانو له شکایتونو وروسته د ښاري چارو کارپوهان وايي، که په کابل ښار کې د نړیوالو معیارونو سره سم د اوبو رسولو پروژې پیل نه شي، ډېر ژر به ښاریان او حکومت د یوه ناورین شاهدان وي.