د کډوالو د ستونزو د هواري عالي کمیسیون تیره ورځ له ایران او پاکستان څخه هیواد ته د ۴۳۷ کډوالو راستنیدو خبر ورکړ.
دخپریدو نیټه :پنجشنبه ۱۳ ثور ۱۴۰۳ ساعت ۰۹:۵۰
د مطلب کود : 289733
افغان غږ خبری آژانس - کابل: د کډوالو د ستونزو د هوارولو د عالي کمیسیون چارواکي وايي، چې د تورخم، سپین بولدک، انګور ادې، پول ارشام له لارې د سه شنبې په ورځ (د ثور ۱۱) ۴۳۷ کورنۍ هېواد ته راستانه شوې دي.
د يادونې وړ ده چې په تېره يوه مياشت کې هېواد ته د کډوالو د ستنېدو لړۍ چټکه شوې ده.
پاکستان له څو میاشتو راهیسې د افغان کډوالو د جبري شړلو لړۍ پیل کړې ده.
د ایران د کورنیو چارو وزیر پرون اعلان وکړ چې هیواد یې نور د زیاتو مهاجرینو د منلو ظرفیت نه لري او په دغه هیواد کښې د میشتو مهاجرینو د ستنیدو زمینه باید خپلو اصلي هیوادونو ته برابره شي.
avapress.com/vdchxwnix23n6qd.yjt2.html
ټګونه
ډیری لیدل شوي
