په ۲۰۱۴ کال کې له افغانستانه د ایتلافي ځواکونو له وتلو وروسته د متحدو ایالتونو د پلانونو په اړه چې غواړي؛ په دې هیواد کې پوځي اډې وساتي، ډېر مسایل دوی ته روښانه نه دي.
دخپریدو نیټه :دوشنبه ۵ سرطان ۱۳۹۱ ساعت ۱۵:۳۰
د مطلب کود : 43874
روسیه وایي، له امریکا څخه غواړي، چې په ۲۰۱۴ کال کې له افغانستانه له وتلو وروسته په دې هیواد کې د پوځي حضور د دوام د اړتیا په اړه ورته وضاحت ورکړي.
د روسیې د بهرنیو چارو د وزارت مرستیال ″ایګور مارګیلیف″ د روسیې انټر فاکس اژانس ته وویل؛ په ۲۰۱۴ کال کې له افغانستانه د ایتلافي ځواکونو له وتلو وروسته د متحدو ایالتونو د پلانونو په اړه چې غواړي؛ په دې هیواد کې پوځي اډې وساتي، ډېر مسایل دوی ته روښانه نه دي.
هغه وویل، که تر۲۰۱۴ کال پورې په افغانستان کې د ثبات هڅې بشپړیږي نوله هغه وروسته به په دې هیواد کې د دغو پوځیانو مامویت څه وي؟
د روسیې د بهرنیو چارو د وزارت مرستیال وویل، د واشنګټن دا خبره، چې ویلي یې دي، نه غواړي په افغانستان کې دایمي اډې ولري، تراوسه پورې دوی ته واضح نه ده او دا یواځې روسیه نه ده؛ بلکې د شانګهای د همکارۍ د سازمان نور غړي هم په دې اړه اندیښنه لري.
هغه وویل، دوی هیله من دي، چې په دې اړه ځواب ترلاسه کړي.
سرچينه : افغان غږ آژانس(آوا)
avapress.com/vdcdoj0o.yt0s56bl2y.html
ډیری لیدل شوي
